六記

營業中

休息中

星期四晚和朋友在青衣西南體育館打完波，打算在附近找地方吃飯，步行到涌美看到這間六記大排檔時只求就腳便決定在此用膳，想不到這食店位置雖稍微偏僻，小菜出品卻如此出色。我們一行四個男人共點了5款小菜，份量可以，只是有點意猶未盡🫠，可能是因為太好送飯的緣故😅。先來第一道是椒鹽白飯魚，白飯魚脆口又唔難咬，上粉厚度適中，炸蒜夠惹味😋，好啱送酒。滑蛋蝦仁炒出嚟睇落比較乾身，連蛋汁同油都見唔到🧐，但入口完全唔覺得「鞋」或老，味道和口感都不錯。西芹炒豬頸肉的西芹炒得入味，唔會食到渣，豬頸肉就好難會出事，所以不過不失啦。小炒王只要炒得有鑊氣，都係冇得死之選，配料除必備的韭菜花及蝦乾外還有魷魚蝦仁豬頸肉等，小弟我平日不吃韭菜但都忍唔住頻頻夾來送飯送酒🍺。最後係黑椒牛柳粒，牛柳大大舊，肉質唔乾唔老，調味又香又濃，入口熱辣辣🔥，啱哂我呢啲黑椒控。