青花 (THE FOREST)

青花地址: 旺角奶路臣街17號The Forest 1樓107-108號舖The Forest喺旺角開咗一段時間，成日都真係咩機會行入去睇下。 估唔到呢間餐廳啲裝修都幾靚幾特別，充滿著花花草草嘅佈置，好有小清新感覺，超適合一大班朋友來食野～泰式大蝦炒金邊粉 🦐 $138大蝦真係好大隻兼爽口；金邊粉份量真心超多，而且充滿茄汁味，每條都好甜，可惜炒得比較乾身，甚至會黐埋一舊添。惹味拼盤 🥢 $92由細到大都好鐘意食豬頸肉，所以幾開心呢間野啲豬頸肉唔會燒到乾之餘仲保留肉汁，而且大大塊無咩肥膏，爽口彈牙，完全唔會覺得會好肥膩。雞肉就有有少少韌啦，但都燒得幾香。炸雞卷食得出加咗唔同嘅香料，幾惹味，而且連埋啲泰式醬汁一齊食，配搭起來效果唔錯，值得一試！🤤天多尼烤雞・斑蘭青咖哩 🐔$108少少辣，仲帶有少少椰香味，鐘意食辣嘅朋友一定會越食越多，越食越開胃。烤雞味道幾好，超惹味，雞肉幾厚；有雞味，幾嫩滑，不錯。 油酥手抓薄餅🥠 （跟餐）手抓薄餅好得意，成塊好似酥皮湯塊酥皮咁。好有牛油香味，外脆內軟，真係幾好味。