十十川滬料理 (已結業)

呢間餐廳位於朗豪坊嘅food Court旁，位置唔算好顯眼，但係去到門口已經見到有條人龍，相信口碑唔錯，等咗一陣我哋就被安排入座。酸菜魚湯小籠包 （$58）非常有創意嘅小籠包，見到個名已經想叫嚟試吓，估唔到食入口咁夾，酸菜味剛好唔會太刺激，保留到小籠包原有嘅味道。酸菜肥腸鴨血米線 （$78）揀咗中辣，辣度剛好，湯底酸酸辣辣好醒胃，豬大腸炆得好淋，鴨血如果入味D會更好。飲品叫咗青蘋果梳打 ($38)+冷泡洛神花茶 （$32）兩杯飲品都好大杯，青蘋果梳打唔會過甜，洛神花茶酸酸地帶微甜，邊食邊飲可以解膩。神勝風沙單骨雞翼 （$78）熱辣辣外脆內嫰，配埋大量炸蒜碎一齊炒，蒜味滲晒入雞翼度，十分惹味。沙嗲牛肉卷餅 （$58）呢個卷餅食落有啲似北京填鴨卷，卷餅做得好鬆軟，多汁嘅牛肉配埋爽脆嘅青瓜，鍾意食北京填鴨嘅你不能錯過！整體嚟講對呢間餐廳每款食物都好滿意，下次會再嚟試吓其他款色嘅小籠包同想試吓好多人叫嘅自選乾鍋。