影片
更多
2023-11-01
26 瀏覽
呢間cafe行露營風好啱打卡，室內位置仲有架露營車！佢哋仲有不定時嘅live band同遊戲玩。星期五、六、日嚟會多啲機會遇到。贏到遊戲仲可以得到一杯佢哋嘅自家IPA👿露啤👿。✨墨西哥雜菌辣雞薄餅（辣） $98未入口已經聞到墨西哥辣椒🌶️嘅味道🤭。食落去果然辣得刺激過癮。雞肉焗完都好軟熟，配菇菌香都好夾㗎。✨小食拼盤 $128Nachos， 唐揚炸雞4件，洋蔥圈3件，燒菠蘿2件睇餐牌以為唔會好大份，仲一嚟到就覺得份量多到誇張。洋蔥圈好大個，麵衣炸到脆卜卜，裏面嘅洋蔥好清甜。 唐揚炸雞又嫩又多汁。Nachos好啱過口癮。燒菠蘿酸酸哋好解膩。✨黑松露薯條 $68外脆內軟嘅炸薯，新鮮炸起熱辣辣，幾多都食得晒。✨欖油蒜片蟹肉墨魚扁意粉（辣） $138橄欖油香氣十足，充滿大蒜香氣，仲浸住唔少鮮甜嘅蟹肉。辣度唔高，但係幾惹味。墨魚肉爽脆有口感。✨黑松露雜菌意大利飯 $128意大利飯口感軟綿而且特別cheesy。黑松露香味好重，仲有唔少爽脆嘅菇粒。✨朱古力牛角包窩夫配提拉米蘇雪糕 $108croffle酥脆金黃而且重牛油香。Tiramisu雪糕主要係mascarpone cheese嘅味道，咖啡味道唔
呢間cafe行露營風好啱打卡，室內位置仲有架露營車！佢哋仲有不定時嘅live band同遊戲玩。星期五、六、日嚟會多啲機會遇到。贏到遊戲仲可以得到一杯佢哋嘅自家IPA👿露啤👿。
✨墨西哥雜菌辣雞薄餅（辣） $98
未入口已經聞到墨西哥辣椒🌶️嘅味道🤭。食落去果然辣得刺激過癮。雞肉焗完都好軟熟，配菇菌香都好夾㗎。
✨小食拼盤 $128Nachos， 唐揚炸雞4件，洋蔥圈3件，燒菠蘿2件
睇餐牌以為唔會好大份，仲一嚟到就覺得份量多到誇張。洋蔥圈好大個，麵衣炸到脆卜卜，裏面嘅洋蔥好清甜。 唐揚炸雞又嫩又多汁。Nachos好啱過口癮。燒菠蘿酸酸哋好解膩。
✨黑松露薯條 $68
外脆內軟嘅炸薯，新鮮炸起熱辣辣，幾多都食得晒。
✨欖油蒜片蟹肉墨魚扁意粉（辣） $138
橄欖油香氣十足，充滿大蒜香氣，仲浸住唔少鮮甜嘅蟹肉。辣度唔高，但係幾惹味。墨魚肉爽脆有口感。
✨黑松露雜菌意大利飯 $128
意大利飯口感軟綿而且特別cheesy。黑松露香味好重，仲有唔少爽脆嘅菇粒。
✨朱古力牛角包窩夫配提拉米蘇雪糕 $108
croffle酥脆金黃而且重牛油香。Tiramisu雪糕主要係mascarpone cheese嘅味道，咖啡味道唔算好濃。
✨阿華田脆脆奶蓋瀑布蛋糕配提拉米蘇雪糕 $108
充滿儀式感嘅蛋糕！海綿蛋糕口感鬆軟，加埋阿華田醬有種濕潤綿密嘅口感。
✨紅都面晒 $48
✨阿婆的秘密 $48
✨好雙乳的莓莓 $48
佢哋有唔少cocktail, mocktail同smoothie！❤️紅都面晒❤️係紅西柚梳打，酸酸哋幾解膩。👩🏻🦳阿婆的秘密👩🏻🦳同埋🍓好雙乳的莓莓🍓就係果味重又唔太甜嘅smoothie。
張貼
