影片
更多
2017-07-04
104 瀏覽
我同男朋友都幾鍾意食沾麵，所以我哋不時會去explore下啲沾麵舖頭，而琴日就嚟咗富士山55食沾麵 富士山55銅鑼灣分店嘅舖位位於一條比較少人經過嘅路，所以如果唔係熟個頭會比較難搵啲。對於唔太熟嘅人而言，問路時問人St. Paul同富豪香港酒店係邊的話就會搵到佢哋嘅對面就係富士山55😀琴日我哋嗌咗櫻花蝦沾麵、豬骨湯沾麵、餃子同芝士雜燴坎（間舖又叫做芝士飯）。先講最先到嘅餃子。餃子餡幾香，份量都多。但個皮有啲厚，所以唔太容易咬。不過其後嚟嘅食物好好味，所以就算啦～餃子嚟咗心後就到櫻花蝦沾麵😋櫻花蝦湯底好香，而且個咸味啱啱好，啱晒我呢啲怕咸嘅人🙈如果想濃啲嘅話，亦都可請侍應加鰹魚湯，都會好味㗎😋麵就叫咗硬麵，而呢間舖頭亦煮得好有彈性👍🏻麵裡面值得提嘅係有附送一小舊青檸。以前去過一間日本嘅沾麵舖頭，佢嘅食沾麵guideline其中一個步驟係當你覺得開始流嘅時候可以加青檸汁入麵條，所以我今次都試下咁食，結果都係好好味，蝦味同青檸好夾🤤另外，如果湯變得無咁熱時，都可以用枱上嘅電爐仔加熱返，好considerate👍🏻而筷子都係一個considerate嘅表現，因為佢嘅筷子係方便大家夾麵時唔會冼落
富士山55銅鑼灣分店嘅舖位位於一條比較少人經過嘅路，所以如果唔係熟個頭會比較難搵啲。對於唔太熟嘅人而言，問路時問人St. Paul同富豪香港酒店係邊的話就會搵到佢哋嘅對面就係富士山55😀
琴日我哋嗌咗櫻花蝦沾麵、豬骨湯沾麵、餃子同芝士雜燴坎（間舖又叫做芝士飯）。
先講最先到嘅餃子。餃子餡幾香，份量都多。但個皮有啲厚，所以唔太容易咬。不過其後嚟嘅食物好好味，所以就算啦～
餃子嚟咗心後就到櫻花蝦沾麵😋櫻花蝦湯底好香，而且個咸味啱啱好，啱晒我呢啲怕咸嘅人🙈如果想濃啲嘅話，亦都可請侍應加鰹魚湯，都會好味㗎😋麵就叫咗硬麵，而呢間舖頭亦煮得好有彈性👍🏻麵裡面值得提嘅係有附送一小舊青檸。以前去過一間日本嘅沾麵舖頭，佢嘅食沾麵guideline其中一個步驟係當你覺得開始流嘅時候可以加青檸汁入麵條，所以我今次都試下咁食，結果都係好好味，蝦味同青檸好夾🤤另外，如果湯變得無咁熱時，都可以用枱上嘅電爐仔加熱返，好considerate👍🏻而筷子都係一個considerate嘅表現，因為佢嘅筷子係方便大家夾麵時唔會冼落嚟👍🏻
食完沾麵後請侍應幫忙整成芝士雜坎🧀好快侍應就從廚房攞個飯出嚟，同時伴隨住好香嘅芝士味🤤雖然賣相未必好靚，但味道真係一流，芝士同櫻花蝦都好夾👍🏻我哋都好欣賞呢間舖頭有創意，同時又唔會浪費食材😆👍🏻
至於豬骨湯沾麵我就無乜點食，因為係男朋友叫嘅。不過個湯幾好味，尤其係鍾意食濃湯嘅男朋友表示好正🤤👍🏻食完麵之後佢加咗啲鰹魚湯，個味道會清同鮮好多，之後佢非常開心咁咕嚕咕嚕地飲晒落肚😂
櫻花蝦沾麵
$93
15 瀏覽
0 讚好
0 留言
芝士雜燴（櫻花蝦湯底）
$20
23 瀏覽
1 讚好
0 留言
張貼
