影片
更多
2017-08-15
754 瀏覽
我最憎遲到，去食飯、去飯酒、去玩我都必定早到 ﹗當然返工返學除外啦，呵呵呵。老闆娘話依度不設外賣，亦唔準將生熟食物帶走，所以無外賣兜供應，因為衛生問題。我唯有靜靜雞帶個外賣盒返黎，靜靜雞將食唔晒既野烚熟帶走，唔想浪費麻。指天椒，老闆娘次次都比大大碟指天椒，其實只得我一個食辣乍，半碟已足夠，真客氣。先來胡椒湯，後上半隻雞。自家製白胡椒粉，特別香濃，特別香辣！皇帝菜，以前我完全食唔到她獨特而強烈的味道，多謝辣雞煲的出現，漸漸越食越喜歡，已經去愛上她，去到迷戀她既地步。食雞煲或火鍋都必食，爽嫩翠綠的莖部，味濃甜美霸道，大注大注地嘴嚼，不停爆汁，勁興奮啊 ﹗廣島蠔，美國桶蠔賣晒，唯有食廣島蠔。肥美就夠肥美，咬開蠔汁四射，好腥啊 ﹗免強頂得住，加多兩條指天椒先，即刻好食左。火雞子，跟蠔一樣入晒雪未解凍，兩者的雪藏味都不弱。沒有醃過的火雞子帶著天然微微腥嗅，不像本地新鮮雞子般鮮甜可口泛著蛋味，又係指天椒豉油出動既時候喇 ﹗烚到脹卜卜，最緊不能爆破、不能縮水微乾，要時間留意住呢 ﹗掉進指天椒豉油打滾降降溫，整隻直啪入口，皮脆肉嫩，多汁潤澤，豉油香、指天椒辛，好味道 ﹗蟹柳，我無叫蟹柳架喎 ﹗最討厭兼
指天椒，老闆娘次次都比大大碟指天椒，其實只得我一個食辣乍，半碟已足夠，真客氣。先來胡椒湯，後上半隻雞。自家製白胡椒粉，特別香濃，特別香辣！
皇帝菜，以前我完全食唔到她獨特而強烈的味道，多謝辣雞煲的出現，漸漸越食越喜歡，已經去愛上她，去到迷戀她既地步。食雞煲或火鍋都必食，爽嫩翠綠的莖部，味濃甜美霸道，大注大注地嘴嚼，不停爆汁，勁興奮啊 ﹗
廣島蠔，美國桶蠔賣晒，唯有食廣島蠔。肥美就夠肥美，咬開蠔汁四射，好腥啊 ﹗免強頂得住，加多兩條指天椒先，即刻好食左。
火雞子，跟蠔一樣入晒雪未解凍，兩者的雪藏味都不弱。沒有醃過的火雞子帶著天然微微腥嗅，不像本地新鮮雞子般鮮甜可口泛著蛋味，又係指天椒豉油出動既時候喇 ﹗烚到脹卜卜，最緊不能爆破、不能縮水微乾，要時間留意住呢 ﹗
掉進指天椒豉油打滾降降溫，整隻直啪入口，皮脆肉嫩，多汁潤澤，豉油香、指天椒辛，好味道 ﹗蟹柳，我無叫蟹柳架喎 ﹗最討厭兼價大陸蟹柳，又樣衰又難食﹗膠感大紅的顏色，濃濃人造甜甜味道，灼一灼硬而死實，灼多陣散開一片片 ﹗我畫左金菇呢，最後無黎到。
自攜游水波士頓龍蝦，大埔街市海鮮檔老闆娘只收我二百五十蚊兩隻，真客氣，多謝晒！啖啖肉又有膏，肉質勁鮮甜極彈牙，美味無野講 ﹗自攜蝴蝶蚌，開口即食，蚌肉極厚而肥美，脹卜卜入口，爆汁 ﹗海水清香，蚌汁濃濃的鮮甜味道，異常興奮，食到停不了 ﹗
自攜珍寶美國扇貝，抵食 $35 蚊隻乍 ﹗巨形扇貝大隻過我手掌呀，就連我都不能一啖入口，要分兩三啖先食得晒呢，勁 ﹗不過再大少少就唔好食喇，肉鞋又會有異味，依家剛剛好。甜到不得了，白雪雪厚厚肉身軟滑，裙邊爽脆、內臟味濃棉彈，天然帶子汁使您神暈癲到，太正啊 ﹗不過居然另外一碟求其直接上碟咁奇怪？黑炆炆洗都唔洗？我有比加工架喎，依家點食呀？算數，打完邊爐帶返屋企，離晒譜架 ﹗
自攜象拔蚌，買回來 $280 蚊同樣激平呢，不過我忘記了來料附加費多少錢咯，印象中廿十蚊一款左右。刺生直接食爽脆無比，甜到漏。湯拖一拖即食，暖笠笠添上胡椒雞湯味，大讚 ﹗
自攜花竹蝦，游水生猛花竹蝦跳到黎翠榮，那有不好吃的理由？引來四周食家們羨慕的目光。花竹蝦活潑地跳落滾湯之中，竟然又想跳返出黎，熱湯四踐，嚇得隔離檯阿嬸手舞足動，真係唔好意思。打醒十三分精神，見到蝦身變成翠紅色就要立即救晒上岸喇，否則變到乾硬鞋就慘咯。蝦肉爽彈到嘴脣都震震，蝦汁澎湃流得滿檯滿地都是，蝦膏甘香無敵，再來指天椒豉油錦上添花，拍案叫絕 ﹗
牛肩脊，我係想要新鮮手切牛勁脊，唔係雪藏牛肩脊啊！瘦猛猛，乾爭爭又鞋烚烚，而且牛羶味強烈。唔想浪費食物，最後我都全部食晒。墨魚滑，漂得非常白澈，勁多馬蹄粉，滑潺潺好難用筷子夾起呢。粉多硬實假彈，感覺不到半點鮮味，一試無妨。
脆鯇魚腩，切得厚薄得宜，太薄的話好快烚到乾硬鞋，而且甜味流失，原理跟薄豬扒或薄牛扒情況一樣。魚肉好快熟，必須將握時機，變色微綣就要即時兜起開餐喇 ﹗十分爽廿分脆，但完全無魚甜味無魚鮮味，不幸地還有少許草青味呢 ﹗如果魚不夠肥，不夠魚脂就會出現如此情況，失望還失望，我都會負責任全部食晒去既。
午餐肉，在辣辣煲成行成市前，眾人都覺得午餐肉跟打邊爐格格不入，風馬牛不相及，連我都有同樣諗法，不過一試便知個中真諦。厚切餐肉有質素，掉進湯底中浮潛一下，讓她變得軟塾，吸盡湯汁精華。熱騰騰入口，鬆軟滑滑，每啖都充滿可口湯汁，而且還有午餐肉應有的咸香肉香，滋味無窮。
薯仔片，還以為會係炸過的薯仔，係小肥牛食的是炸過的，索湯力勁提升，味道更香口，睇黎只係我一廂情願地先入為主。要一早掉到湯中任她潛水，花大量時間才能熟透變得粉口，薯味鮮濃，加上胡辣湯汁都幾好味道。魚皮餃，外購兼價貨，超大路味道與質地。外層嚥韌滑潺潺，魚味濃得黎帶點腥，浸上指天椒豉油還入得口。
竹笙，幾乎去到那裡打邊爐都會 order，因為菌類健康有益，她本身味道非常清淡，質地爽脆又似海棉，爽湯無得頂啦 ﹗湯底什麼味道，她就什麼味道，添上指天椒豉油夠晒香辣醒胃，好味道。
香芋包心丸，我討厭芋頭的，尤其是一舊舊、一片片或是一粒粒，不過芋泥或芋溶就免強接受啦。烚起包心丸小心爆汁，慢慢咬開略彈魚蛋外皮降降溫，就成粒掉入口。甜甜的，不似芋頭味，唔難食。
手切鮮牛頸脊，必食推介，搶住食 ﹗顏色艷紅奪目，吸引有光澤，看得見的油脂閃令令，忍不住立即要行動喇 ﹗夾起牛肉片在滾湯中左涮涮、右涮涮，漸漸轉成淡粉紅色，得左 ﹗嫩滑味濃，牛甜到打冷震，肉汁激射，好感動啊 ﹗要不停食，食到無晒為止 ﹗機切會破壞纖維，影響口感及肉汁。
現在厚度還算可以，如果再薄一點就會無趙口又無肉汁喇。始終食得出有點加工，有微弱用過鬆肉粉，我愛全天然的呢。幸好整體都係高質，各方面都合格美味。
回想翠榮初轉營由米線改為雞煲，只有勁 cheap 美國肥牛一款，肥膏多多，又腥又羶，鞋韌兼備。期後在 openrice 發表意見後，又跟老闆娘反映過，終於如願以償有高質牛肉供應喇，真是可喜可賀呀。
胡椒豬肚雞煲半隻，如果覺得湯淡無緊要，老闆娘送來大大兜自家白胡椒粉，喜歡幾濃幾辣都可以啦，大愛 ﹗完全無醃過的冰鮮雞泛著微弱的雞味，質素總比雪藏的好。幸好湯底胡椒味濃濃兼辛辣香口。咸菜芳香惹味，豬肚爽彈有餘，不苦不澀。
還有椒天指豉油助攻，最後加上雞肉均皮香肉嫩又多汁，所以能與奇味雞一樣穩守招牌菜地位。烚到最後碗湯不得了，百鳥歸巢，精華盡在其中。雖然牛肩脊認真麻麻，不過餚湯一流，充滿肉香非常惹味好飲呢 ﹗
指天椒豉油
20 瀏覽
0 讚好
0 留言
自家製白胡椒粉
17 瀏覽
0 讚好
0 留言
皇帝菜
24 瀏覽
0 讚好
0 留言
廣島蠔、火雞子
12 瀏覽
0 讚好
0 留言
自攜游水波士頓龍蝦
12 瀏覽
0 讚好
0 留言
自攜珍寶美國扇貝
14 瀏覽
0 讚好
0 留言
自攜象拔蚌
19 瀏覽
0 讚好
0 留言
自攜花竹蝦、自攜蝴蝶蚌
16 瀏覽
0 讚好
0 留言
牛肩脊
11 瀏覽
0 讚好
0 留言
牛肩脊
5 瀏覽
0 讚好
0 留言
墨魚滑
12 瀏覽
0 讚好
0 留言
脆鯇魚腩
9 瀏覽
0 讚好
0 留言
午餐肉、竹笙
17 瀏覽
0 讚好
0 留言
胡椒豬肚雞煲半隻
8 瀏覽
0 讚好
0 留言
胡椒豬肚雞煲半隻
22 瀏覽
0 讚好
0 留言
胡椒豬肚雞煲半隻
23 瀏覽
0 讚好
0 留言
胡椒豬肚雞煲半隻
25 瀏覽
0 讚好
0 留言
胡椒豬肚雞煲半隻
23 瀏覽
0 讚好
0 留言
張貼
