影片
更多
2018-02-03
327 瀏覽
雖然算得上喺晌深水埗大，但屹立超過60載嘅「雪山冰廳」去過嘅次數寥寥可數，有嘅都喺好細個嗰時。早前，睇雜誌知佢由80後疏堂親戚接手，重新裝修之餘，食物款式都嚟個大革新。所以，說一不二，話會嚟食就會嚟，立即行動，同一眾老友嚟食個晏！環境如上文所講，喺全新裝修，原店嘅物品只保留兩張舊畫，由於是日午市逼到爆，所以，想影吓都唔方便。反而，入門口左邊一大張魚躍噴畫，感覺份外醒目。晌餐枱上，貼有一張固定嘅散點餐牌，有焗類、碟頭飯、皇牌咖喱、湯粉麵、環球美食（其他地區啲碟頭）。雖然話喺散點，一樣可以以優惠價加配飲品。早餐餐牌都介紹埋，因為供應時間由6:30am-2:00pm，唔晏過2:00pm嘅話一樣可以當午餐咁食。基本上分為金牌早餐及歐陸早餐，睇落鍾意前者，只喺賣$25或$28，連餐飲，怕唔夠飽嘅話可以加配多士或三文治之類，平得嚟夠彈性。此外，茶記必備嘅快餐、常餐、午餐、特餐又點少得吖。先介紹快餐，因為鋪面嘅黑板寫咗出嚟，喺日日轉款嘅套餐，定價$42，仲標註穿校服減$5，非返學日子唔知仲有無效呢，哈哈！常餐ABC就印晌另一個餐牌度，定價$36-$42，餐牌裡仲印帶小食、基本飲品及特飲，所以，個常餐
環境如上文所講，喺全新裝修，原店嘅物品只保留兩張舊畫，由於是日午市逼到爆，所以，想影吓都唔方便。反而，入門口左邊一大張魚躍噴畫，感覺份外醒目。
晌餐枱上，貼有一張固定嘅散點餐牌，有焗類、碟頭飯、皇牌咖喱、湯粉麵、環球美食（其他地區啲碟頭）。雖然話喺散點，一樣可以以優惠價加配飲品。
早餐餐牌都介紹埋，因為供應時間由6:30am-2:00pm，唔晏過2:00pm嘅話一樣可以當午餐咁食。基本上分為金牌早餐及歐陸早餐，睇落鍾意前者，只喺賣$25或$28，連餐飲，怕唔夠飽嘅話可以加配多士或三文治之類，平得嚟夠彈性。
此外，茶記必備嘅快餐、常餐、午餐、特餐又點少得吖。先介紹快餐，因為鋪面嘅黑板寫咗出嚟，喺日日轉款嘅套餐，定價$42，仲標註穿校服減$5，非返學日子唔知仲有無效呢，哈哈！
常餐ABC就印晌另一個餐牌度，定價$36-$42，餐牌裡仲印帶小食、基本飲品及特飲，所以，個常餐好易睇漏眼。
午餐又有咩嘢揀呢？通常好多茶記嘅午餐喺日日轉嘅款式，但呢度則相反，喺固定款式之餘，更有唔少招牌菜，如人氣海南雞飯、招牌咖喱牛筋腩飯、金牌焗厚切豬扒飯，款款賣$48，包熱飲。
特餐，只有一款選擇，但可以講喺店家嘅火熱套餐，目測差唔多枱枱都有點，我哋一行7人，都點咗3客，包括小弟。特餐包括檳城叻沙摻摻、日本櫻桃蝦炒蛋、奶油牛角酥及餐飲，只喺賣$44，非常抵食，故此，我都先介紹佢。
日本櫻桃蝦炒蛋、奶油牛角酥（特餐）先上碟炒蛋，炒得幾靚仔，唔會過老，仲黐住少少蛋漿，又夠晒份量十足，而且，櫻花蝦超多；牛角包酥香，配奶油有啲邪惡得滯，夾埋啲炒蛋一齊食，又有唔同嘅滋味。
檳城叻沙摻摻（特餐）餐牌已有講明摻摻喺乜，就喺油麵搭米粉，腍身嘅油麵，令幼身嘅米粉更突出其爽口感；餸料有魚片、豆卜及鮮蝦，魚片幾爽，蝦肉鮮甜，食得出唔喺啲雪藏貨，而整碗摻摻嘅靈魂喺個叻沙湯底，湯底幾有鮮香味，喺嫌質感未夠厚身。
熱奶茶（餐飲）最鍾意喺白底藍字，印有「雪山冰廳」字樣嘅茶杯，望落特別醒神。奶茶茶底香濃，飲落芳香，而絲滑度亦不俗。對整份特餐嘅所印象，非常滿意。至於其他老友飲咩就唔多講喇，都喺檸茶、檸水之類。
海南雞飯（午餐）老友夏總話叻沙點吸引都好，點都要試吓佢哋嘅海南雞。雞嘅份量比預期多，入口爽滑，皮下脂肪少，啖啖都有雞鮮味，確喺有水準，不過，非傳統，只有配辣醬及甜醬油，並無薑蓉，但老友話無所謂，本身唔算太好薑蓉；但雞油飯雖飯粒分明，但未夠香。
檳城叻沙海南雞米線 $38想食叻沙，又想食海南雞，咁呢個米線就可以滿足你兩個願望喇。小弟就唔多介紹嘞，雖然無試，但憑上面嘅特餐（叻沙摻摻）及午餐（海南雞飯）水平，呢個米線相信唔差得去邊嘅。
蕃茄濃湯牛肉通粉（早餐）屬金牌早餐H，只賣$28，連熱飲，啱晒啲唔大食嘅人，就算大食都唔怕，可加$6-$12配多士或三文治。友人話湯底都算蕃茄味濃，牛肉入口都嫩滑，咁嘅價絕對收貨。
滑蛋牛肉炒河 $45池記兄喺傳統派，點咗客老派嘅滑蛋牛肉炒河，咪睇啲河粉「白潺潺」，其實喺已經輕輕炒過，唔會黐埋一炷炷，只喺無加老抽乾炒咁靚仔。之不過，配埋啲滑蛋，個河粉就變得更滑溜，牛肉同樣夠腍滑，滿意。
重臨「雪山」，雖然無晒啲懷舊感，但食物做得有誠意，怪唔得客似雲來。都喺嗰句，點平都好，唔好食就無翻頭客，做得好嘅話，加點心思及誠意，就長做長有。雪中送「嘆」，嘆番餐性價比高午餐。
張貼
