嵐月 (AIRSIDE)

營業中

休息中

本來今日係去睇戲嘅，但係原來已經落畫，所以就改咗去食中菜飲茶☺️我哋叫咗一個每人$288嘅set，有三款點心，有個鱈魚，有個菜苗，仲有個燉湯，最後仲有個炒飯，嗰個點心嘅酥好好食，有少少咖喱味餡喺裏面，值得一試。然後有個黑松露燒賣，同埋個菜苗餃，正常質素。😊佢個set 有個菜苗同埋個炒鱈魚腩，兩個都好好味，特別欣賞個燉湯，有我哋中秋節食嘅楊桃喺裏面😍估唔到出奇地夾，嗰燉湯好飲，冇味精，值得一試👍🏻炒飯都炒得每粒飯好乾，又有啲豆粒同埋蔥粒，我同我個朋友都覺得好好食☺️其實我哋兩個人最後都食唔晒，因為炒飯食淨啲，最後都冇浪費拎走咗。其實一入門口個感覺已經好舒服☘️綠色嘅佈置令人眼前一亮。入到去估唔到有好多人， Airside個廣場冇乜人，但反而入到去呢間餐廳好多人，之後我哋一路食一路傾，傾到啲人都走晒lu 😆最後埋單人均三百幾蚊，可以坐得舒服又食得開心，真心推介❤️仲有仲有，有得揀唔同嘅茶，個茶 好多款可以選擇，同埋有得暖住，整體感覺十分之好。💘