山本屋 (海運大廈)

營業中

休息中

滿心歡喜想試新野，13:00唔洗排隊好開心。揀左好似主打嘅吉列豬扒麵豉烏冬 。上到枱仲好開心 。一啖咬落舊豬扒，凍嘅？唔係常溫，係凍嘅 。我真心好奇又擔心自己小見識，就問侍應佢哋呢味菜係咪咁 - 佢答「唔係凍架，可呀能係等埋個烏冬煮好之後豬扒就凍咗，你係咪要換，要換我換俾你，係咪真係換？」 等緊正常會係熱嘅豬扒嘅過程，食左烏冬先啦，咦？唔係主打烏冬咩？烏冬嘅口感係好淋，好普通。到個湯喇，係帶苦嘅麵豉湯？同個烏冬完全唔夾，以上係個人食感 。今時今日我明白租貴，但108蚊仲要加一，喺超過一半吉枱嘅午飯時間，但茶都唔會主動再斟嘅情況下，呢個lunch顯得格外貴 。