Wingman (已結業)

炸雞放題食得多，呢度就主打雞翼放題！餐廳採用法國無激素走地雞，提供多過10幾款口味嘅雞翼，有濕身、乾身、特製、有辣同唔辣、仲有唔同小食同飲品供應，價錢合理而且地理位置十分方便，雞翼控表示要high了～ 🙈放題有幾款選擇，三款任食，十款任食同所有口味任食，今次要咗十款，反正所有口味都未必試得曬🤣 有四款辣，六款唔辣，入座後限時90分鐘，每次落單最多可以叫六款口味，而每款有四隻，另外收加一服務～ 首見講講唔辣嘅，咖啡燒烤醬好特別，但咖啡味唔算好出、黑椒檸檬表面有滿滿嘅黑椒粉，加埋檸檬酸甜開胃🤤 黑芝麻海鮮蜂蜜甜甜地、田園風味較清香、巴馬臣芝士蒜蓉滿滿粉，超氣惹味、個人最推泰式甜酸醬，夠濕身，encore咗好多次～ 辣味有水牛城醬、紐奧良香粉、死神醬同蒙古燒烤，私心推介蒙古燒烤，辣辣地又唔會太過分、整體嚟講雞翼質素比較起伏，有次少凍但有次熱到辣口🙈 不過都好睇嗰段時間多唔多人叫嘢食，另外濕身嘅話就冇咁熱，大家可以參考返！