影片
更多
2022-04-17
328 瀏覽
放飯想食米線，今次就試吓原作米線先，午市套餐比較抵食，有小食同飲品。-🥢蟲草花膠雞湯米線$68｜叫得「養生米線」，梗係要試吓有花膠嘅雞湯米線。花膠份量唔馬虎，無記錯有兩三嚿。湯底濃郁，食完唔會好口乾。隨機分配到雞髀，表示開心🤩啖啖肉又無咩骨～🥢黑胡椒豬肚雞湯米線$68｜天氣凍凍哋個陣去食，亦揀咗款暖胃嘅黑胡椒雞湯。胡椒味唔會好嗆，味道啱啱好，飲啖湯即刻暖笠笠。豬肚亦清洗乾淨，食落無豬仔臭味。-兩款米線食落口感腍滑，好啱配雞湯一齊食。午市套餐$78左右（連小食同飲品）。小食就試咗黑松露溏心蛋同魚片頭。溏心蛋對半切開，顏色吸引。魚片頭即係炸魚角，相對就無咁驚喜。飲品揀咗酸酸甜甜嘅洛神花茶，開胃又消滯。雖然個兜已經用到甩漆，但味道唔錯，份量夠，唔想食酸辣米線嘅話亦可以一試。-
-
🥢蟲草花膠雞湯米線$68｜叫得「養生米線」，梗係要試吓有花膠嘅雞湯米線。花膠份量唔馬虎，無記錯有兩三嚿。湯底濃郁，食完唔會好口乾。
隨機分配到雞髀，表示開心🤩啖啖肉又無咩骨～
🥢黑胡椒豬肚雞湯米線$68｜天氣凍凍哋個陣去食，亦揀咗款暖胃嘅黑胡椒雞湯。胡椒味唔會好嗆，味道啱啱好，飲啖湯即刻暖笠笠。豬肚亦清洗乾淨，食落無豬仔臭味。
-
兩款米線食落口感腍滑，好啱配雞湯一齊食。
午市套餐$78左右（連小食同飲品）。小食就試咗黑松露溏心蛋同魚片頭。溏心蛋對半切開，顏色吸引。魚片頭即係炸魚角，相對就無咁驚喜。
飲品揀咗酸酸甜甜嘅洛神花茶，開胃又消滯。
雖然個兜已經用到甩漆，但味道唔錯，份量夠，唔想食酸辣米線嘅話亦可以一試。
-
張貼
