如果去觀塘想食雞米，雞駅一定係必食！今次就去左食幾款人氣餐點！
🍽️ 藥膳黃酒花膠雞米線 $76
一上枱就聞到陣陣藥材香，唔會太濃，啱啱好。因為有個爐，可以keep 住個湯底都熱～飲落去仲暖笠笠，黃酒味唔會太搶，反而幫湯底加咗層次。花膠滑滑地，雞肉都夠嫩，米線吸晒湯汁，好入味。
🍽️ 雞駅一人火鍋餐 $106
火鍋湯底我地揀左椰子湯，湯底清甜，唔係好重榔奶味，飲落去好清爽。肉類就揀左牛肩胛，肉質厚實，仲有好多配料，包括蟹柳、獅子狗、栗米同福袋仔等，搭配米線，好有飽足感，性價比高！
🍽️ 金磚豆腐 $42
外層炸得酥脆，內裡豆腐滑嫩，口感層次分明，令人想係咁食，推介！
地址：觀塘駿業里10號業運工業大廈1樓A室
