Running 燒 (已結業)

位於旺角彌敦道商業大廈的一間韓燒，非常方便。在疫情期間食韓燒都有點擔心，但決定同朋友即管一試。很特別的是，我與友人食完之後都竟然無任何覺得熱氣，相信同呢間韓燒提供既服務有關！一入去未坐低店員已經馬上為我地探熱，環境非常安全。另外，呢間韓燒提供一塊大白蘿蔔讓我地清潔燒過肉，滿是燒焦的爐面，而且飲品仲有涼粉爽，食完除左飽無任何熱氣唔舒服既感覺。講番食物，呢到唔單只有常規的燒肉，仲有例如扇貝，生蠔，蝦既海鮮，特別係燒生蠔非常好味！唔腥帶鮮味，連我平時唔食生蠔既朋友都覺得好味！另外，呢到仲有各種味道既炸雞(柚子，原味，韓式辣), 以及我最鐘意食既辛辣麵！真係第一次見韓燒有辛辣麵，大食既我陪住燒肉食左兩碗！最後講番燒肉，如果好肚餓係咁點牛肉就岩！好食又薄，非常快熟。