嘉豪酒家

營業中

休息中

同幾個朋友來打牌，呢度其實都十幾年歷史，屬街坊酒樓，但平日少過來這一邊所以今次都係第一次幫襯。雀局菜四菜一湯，有飯有果盤有糖水，仲有幾大間的獨立房，有電視睇，所以都幾抵。晚飯要移師去大廳食，菜色是一斑兩吃，清蒸及西芹炒斑球，叉燒一碟及金銀蛋浸莧菜，同埋海鮮羹。斑味道是不錯，清蒸都沒有腥味，幾好，而西芹炒斑球就比清蒸來得遜色；叉燒都唔錯，半肥廋又唔韌，幾好食，可惜冷氣太勁，食到半路已經有層豬油凝結在上面，令人卻步；金銀蛋莧菜同海鮮羹都OK，甜品是南瓜露，都唔錯，亦有粒粒南瓜同南瓜蓉，味道不比甜品專門店的差。埋單468蚊，已包酒水同加一，仲可以打到三點幾，都打得過。