友拉麵

營業中

休息中

荃灣區有好多大型商場。我一直認為一定要去大型商場先至搵到好嘢食。點知今日經過地鐵行行吓去咗一啲比較舊式嘅商場都搵到好嘢食。友拉麵係昌寧大廈1樓，距離荃灣港鐵站只需要六7分鐘。經過天橋一直去就已經到商場，遇着打風落雨都唔需要害怕見到店舖座位十多個，裝修勁用心，我諗店主一定好鍾意貓咪㗎啦！同細女拍下拖，一碗拉麵兩份食。叫左期間限定，醬油慢煮叉燒拉麵湯底好香濃，而麵條原來仲可以揀直麵同曲麵可以跟隨自己鐘意的口感。叉燒係薄切，但好鬼大塊架。兩塊都成碗麵咁闊。叫埋3款小食試下。免治雞肉串推介，我好鐘意入口邊口感，有軟淋淋的免治肉亦有爽口的雞軟骨咬口日本炸吉列生蠔，一定要小心熱，我同妹妹上枱十分鐘之後先再食，但一口咬薄去熱仲係出煙熱辣辣架，好正。到最後就係北海道牛肉薯餅，薯蓉香滑好味仲有牛肉香氣。特別推介一下日本果味碳酸汽水，出面比較少見，口味啖啖果香，配拉麵好啱味。侍應服務好好，好有禮貌。所以下次一定要再幫襯。