影片
更多
2025-02-28
102 瀏覽
早排有人帶路 過海食間好高質嘅西餐，食物好食之餘，staff都好有禮貌，一定會encore埋位坐低後，staff幫我哋點咗呢個蠟燭仔, 好靚好有情調我哋先叫咗香煎北海道帶子沙律，帶子煎到金黃色，入面嫩滑，配埋新鮮沙律菜，最驚喜仲有芒果，一啲都唔酸，而且醬汁唔係用常見嘅沙律醬，menu寫係芒果醋汁，但實際食落好甜，令成個沙律食落口感好柔和。跟住係虎蝦海鮮濃湯，賣相好吸引。虎蝦肉質彈牙，入面仲有青口同帶子（yes又有帶子, 好似唔駛錢咁lol)，材料豐富 自然個湯底都非常濃郁，放落口嗰下好滿足。另外仲有跟每人兩舊包，我prefer點咗湯索緊啲精華味先, 之後再點olive oil同醋，味道又有啲變化。Main我哋嗌咗個燒長腳蟹配蟹膏忌廉汁意大利飯，蟹腳削咗殼一撩就可以起到蟹肉，鮮甜到不得了，risotto用咗蟹膏忌廉汁黎煮，再加埋大大粒三文魚子 份量又唔菇寒，添少少咸味，吊到啲鮮味出黎。10安士紐西蘭特選肉眼牛扒係我哋當晚最期待嘅一道菜，牛扒煎得剛好，切開見到仲係紅嘅 而且好多肉汁，肉質嫩滑。盤上有兩隻醬，staff都會再額外問需唔需要mustard，我覺得mix埋mustard同盤上嘅綠
埋位坐低後，staff幫我哋點咗呢個蠟燭仔, 好靚好有情調
我哋先叫咗香煎北海道帶子沙律，帶子煎到金黃色，入面嫩滑，配埋新鮮沙律菜，最驚喜仲有芒果，一啲都唔酸，而且醬汁唔係用常見嘅沙律醬，menu寫係芒果醋汁，但實際食落好甜，令成個沙律食落口感好柔和。
跟住係虎蝦海鮮濃湯，賣相好吸引。虎蝦肉質彈牙，入面仲有青口同帶子（yes又有帶子, 好似唔駛錢咁lol)，材料豐富 自然個湯底都非常濃郁，放落口嗰下好滿足。另外仲有跟每人兩舊包，我prefer點咗湯索緊啲精華味先, 之後再點olive oil同醋，味道又有啲變化。
Main我哋嗌咗個燒長腳蟹配蟹膏忌廉汁意大利飯，蟹腳削咗殼一撩就可以起到蟹肉，鮮甜到不得了，risotto用咗蟹膏忌廉汁黎煮，再加埋大大粒三文魚子 份量又唔菇寒，添少少咸味，吊到啲鮮味出黎。
10安士紐西蘭特選肉眼牛扒係我哋當晚最期待嘅一道菜，牛扒煎得剛好，切開見到仲係紅嘅 而且好多肉汁，肉質嫩滑。盤上有兩隻醬，staff都會再額外問需唔需要mustard，我覺得mix埋mustard同盤上嘅綠色醬(本身以為係薄荷醬，食落又好似唔係，但好食的）係最好嘅配搭
最後甜品係開心果巴斯克芝士蛋糕，真係一個好圓滿嘅句號，出面食開啲巴斯克芝士蛋糕全部標榜係流心，呢隻唔流心但反而從未食過芝士味咁濃郁又有少少甜味，話係絕妙嘅balance都唔誇張，開心果你以為淨係得少少碎但係香到完全唔會忽視佢嘅存在感，唔食走寶
張貼
