MR冰室

營業中

休息中

夜晚去食，餐廳完全冇人，以為係伏同貴，點知有二人餐好抵食！有前菜、有小食、可以食飯又可以試到漢堡仲有三隻貓貓做店長// 三文魚沙律個醬汁未酸甜好食同開胃，其餘就是一堆沙律菜，加三四片煙三文魚，冇特別好/壞。//酥炸魷魚鬚炸得不錯，好少炸粉，魷魚煙韌彈牙，份量算多。// 焗咖喱牛脷飯熱辣辣，好腍牛脷、濃郁多咖喱汁，唔會焗到太乾身，完全唔吝嗇，有好多嚿牛脷、同埋蔬菜。有兩碗飯嘅份量。// 烤菠蘿雞扒漢堡漢堡中上發揮，不過不失，煎得夠脆，菠蘿同蕃茄都提供咗水份，食落夠Juicy。啲薯條就一般了，炸得唔夠脆，亦唔夠鹹。// 巨峰梳打// 乳酸梳打梳打一律一般，比梳打水溝淡咗，成杯嘢好淡。巨峰梳打會係比較好飲。