影片
更多
2025-03-23
0 瀏覽
呢間韓國都削面餐廳位於尖沙咀，其實一直bookmark 左一直未搵到機會去試，因為距離地鐵站都幾遠有啲隱蔽🫥。去到餐廳大概假日8pm都幾乎滿座，室內位置唔算好多，如果係兩個人去都幾乎一定要搭枱。室內環境同一般喺🇰🇷韓國local餐廳幾相似，都會將餐廳嘅主要菜式寫喺牆上。餐廳店內面類選擇都幾多，而我哋今次就分別叫咗🥩牛骨湯同蜆湯。牛骨湯刀削麵🍜🥩 ($78)首先湯麵配料有牛肉片，紫菜，蛋絲🥚，冬菇，蔥。而湯底係用牛肉同牛骨🥩熬製，我一般食嘅牛骨湯都係比較淡色啲，呢一款就比較奶白色而飲落去都幾Creamy🥛。另外面嘅份量都幾多，而且係煙煙韌韌食得出係自製嘅味道。認為美中不足係牛肉片太薄比較韌，而且得三片… 望到隔籬枱食一大隻雞髀🍗下次一定會試吓。花蛤刀削麵🍜🐚 ($78)花甲🐚份量好足料又差唔多20隻，而且湯底同牛骨湯唔同，係帶鮮甜清澈，而且會有海鮮味道。不過可能會覺得有啲淡建議可以落啲胡椒🧂，會令個湯更突出同鮮甜😋。湯麵配料同刀削麵差唔多，不過多咗翠玉瓜，翠玉瓜同呢個湯底非常配合食落好鮮甜。整體而言雖然餐廳比較遠，但性價比唔錯，希望下次可以試吓個雞髀🍗同埋佢啲餃子🥟。(ps 另一樣美中不
餐廳店內面類選擇都幾多，而我哋今次就分別叫咗🥩牛骨湯同蜆湯。
牛骨湯刀削麵🍜🥩 ($78)
首先湯麵配料有牛肉片，紫菜，蛋絲🥚，冬菇，蔥。而湯底係用牛肉同牛骨🥩熬製，我一般食嘅牛骨湯都係比較淡色啲，呢一款就比較奶白色而飲落去都幾Creamy🥛。另外面嘅份量都幾多，而且係煙煙韌韌食得出係自製嘅味道。認為美中不足係牛肉片太薄比較韌，而且得三片… 望到隔籬枱食一大隻雞髀🍗下次一定會試吓。
花蛤刀削麵🍜🐚 ($78)
花甲🐚份量好足料又差唔多20隻，而且湯底同牛骨湯唔同，係帶鮮甜清澈，而且會有海鮮味道。不過可能會覺得有啲淡建議可以落啲胡椒🧂，會令個湯更突出同鮮甜😋。湯麵配料同刀削麵差唔多，不過多咗翠玉瓜，翠玉瓜同呢個湯底非常配合食落好鮮甜。
整體而言雖然餐廳比較遠，但性價比唔錯，希望下次可以試吓個雞髀🍗同埋佢啲餃子🥟。
(ps 另一樣美中不足係佢嘅筷子🥢係膠筷子，有啲似中式酒樓嗰種，如果係可以用韓式筷子就會完美 🤣）
張貼
