El vaso de oro hk

營業中

休息中

去開摩羅街附近，走咗去西街一間隱世西班牙餐廳，成條街得一間舖頭係用紅磚砌成非常之易認得出。呢間餐廳嘅廚師係一名西籍嘅大廚，煮嘅都係正宗西班牙口味嘅食物，唔係剩係得個樣㗎。今次嚟食午餐就包咗前菜、主菜同埋甜品。前菜嘅BB八爪魚，煮到入味，而且好腍。啲汁好味道要用麵包點嚟食。主菜就叫咗一個墨汁西班牙海鮮飯，入邊除咗墨汁仲有新鮮嘅魷魚蘆筍同埋蘑菇。好濃郁嘅魷魚味，而且仲有飯焦添，佢真係新鮮煮出嚟㗎。甜品就叫咗一個Catalana。壽司郎就食得多，原來真正嘅Catalana入邊係淋到好似cream咁樣，加埋外面嘅焦糖形成一種強烈嘅對比。食完之後的確要讚吓佢嘅味道，同坊間你認知嘅西班牙口味係完全唔一樣，都值得上嚟試一試呢間正宗嘅西班牙餐廳。