金華美食

營業中

休息中

相信住長沙灣既一定識呢間野，可能住左十幾廿年都未必知間店個名，但講到排長龍果間阿叔腸粉，就一定會話:哦！果間！！ 因為叔叔實在低調(而且好有性格！)，但就多年來都有街坊係店外排長龍，好多時腸粉6點令就賣哂。識食既一定係買辣魚蛋+燒賣+腸粉，只要你叫左辣魚蛋，叔叔就會自動筆辣汁落去，怕辣既記得叫少辣汁，唔食得辣既，就千其唔好要辣魚蛋了，真係辣死人不償命架~~~ 雖則就話佢既辣汁真係好鬼辣，但就是有一種神秘魔力吸引著你，愈辣愈想繼續食，所以我稱她犯賤辣汁很洽當吧？佢既腸粉不及合益泰滑，但佢既混醬好好味架，而且極~多~醬~每一口腸粉都能掛上滿滿醬汁，把醬汁控完撃敗喔！ (有時出面食到既腸粉，醬汁用太多油開稀，完全掛不到腸粉上，最討厭這種啦)金華係我心目中既冠軍腸粉！