影片
更多
2023-03-07
29 瀏覽
今日介紹嘅餐廳以「山」為名，簡約得嚟又不失意境。店內由裝潢到餐具至各款菜式，皆融入山水園林嘅自然元素，以淺木打造簡樸舒適嘅用餐環境。最驚喜係餐廳竟然有開揚露台，從高處俯瞰跑馬地盛景一覽無遺。露台仲有唔少擺設同和風紙扇，影相打卡一流！💕———🥢「山」午餐 OMAKASE | $788 p.p.— 先付 —❝ 毛蟹柚子醋❝ 日本產蠔雪見啫喱蟹肉厚實有層次，生蠔肥美鮮甜。兩道前菜均加入柚子元素，酸甜味道喚醒味蕾，以此襯托亦更突顯食材鮮味。— お造り —❝ 鮪腹三點打開啞黑球狀器皿瞬間，煙霧繚繞宛如凡間仙境。依次享用赤身、超拖羅，最後師博親手送上燒拖羅，油脂被熱力逼晒出嚟，入口油香豐腴，脂香四溢，超級驚喜。— 蒸物 —❝ 帆立貝真薯茶碗蒸非常鮮甜嘅茶碗蒸，連表面嘅高湯芡汁亦帶蟹味鮮香。帆立貝微微燒過，配上鮮甜三文魚籽點綴，各種食材發揮得淋漓盡致。— 強肴 —❝ 焼虎蝦配海膽忌廉汁伴米通虎蝦起肉再燒香，肉質爽口彈牙。菜式加入特調海膽忌廉汁，啖啖甘香，回味無窮。— すし —❝ 精選寿司8貫 小卷1條餐廳每日進口新鮮食材，所用食材未必全部係山珍矜貴，卻是師博精選最優質嘅時令魚料。例如北寄貝味道甘甜，
店內由裝潢到餐具至各款菜式，皆融入山水園林嘅自然元素，以淺木打造簡樸舒適嘅用餐環境。
最驚喜係餐廳竟然有開揚露台，從高處俯瞰跑馬地盛景一覽無遺。露台仲有唔少擺設同和風紙扇，影相打卡一流！💕
———
🥢「山」午餐 OMAKASE | $788 p.p.
— 先付 —
❝ 毛蟹柚子醋
❝ 日本產蠔雪見啫喱
蟹肉厚實有層次，生蠔肥美鮮甜。兩道前菜均加入柚子元素，酸甜味道喚醒味蕾，以此襯托亦更突顯食材鮮味。
— お造り —
❝ 鮪腹三點
打開啞黑球狀器皿瞬間，煙霧繚繞宛如凡間仙境。
依次享用赤身、超拖羅，最後師博親手送上燒拖羅，油脂被熱力逼晒出嚟，入口油香豐腴，脂香四溢，超級驚喜。
— 蒸物 —
❝ 帆立貝真薯茶碗蒸
非常鮮甜嘅茶碗蒸，連表面嘅高湯芡汁亦帶蟹味鮮香。
帆立貝微微燒過，配上鮮甜三文魚籽點綴，各種食材發揮得淋漓盡致。
— 強肴 —
❝ 焼虎蝦配海膽忌廉汁伴米通
虎蝦起肉再燒香，肉質爽口彈牙。菜式加入特調海膽忌廉汁，啖啖甘香，回味無窮。
— すし —
❝ 精選寿司8貫 小卷1條
餐廳每日進口新鮮食材，所用食材未必全部係山珍矜貴，卻是師博精選最優質嘅時令魚料。
例如北寄貝味道甘甜，再以柚子皮、青檸汁及豉油提鮮，咬落爽彈，口感極佳。
金目鯛更是肉質細嫩，油脂豐腴，輕輕燒過魚皮更能釋出脂香，味美鮮甜！
坐吧枱更可以欣賞師傅嘅精湛手藝，一道接一道美饌送到眼前，成為味覺與視覺嘅極致享受。
❝ 味噌汁 新香物
味噌湯以魚乾熬製，飲落濃香暖胃。加入彩色楓葉形麵團，將山水元素入饌，更顯別出心裁有心思。
— 甘味 —
❝ 和風鮮果雪糕拿破崙
拿破崙酥脆富牛油香，當中以清新椰子雪糕代替吉士減低膩感，再配上清甜多汁嘅士多啤梨，為滿足的午餐完美作結☺️
張貼
