翠苑甜品專家 (望隆街)

營業中

休息中

住左筲箕灣幾十年，只幫襯過呢間糖水鋪幾次，記得有次食燉奶芝麻糊，都ok冇問題可以安心食用。然後有次食楊枝甘露....西米重硬嘅，椂柚渣多到以為食緊蔗。之後有晚想食個凍紅白（紅豆沙+豆腐花），好有禮貌咁問佢有冇凍紅白，個亞姐好惡好鄙視咁答「冇冇冇！我地唔賣d咁嘅嘢！」（間嘢係有呢兩樣嘢食）我唔知紅白係咁下賤，比人用「呢d咁嘅嘢」黎形容，我唯有走！今晚想食個凍喳咋，亞姐又答好惡咁答「今日冇！」，我問佢有冇凍綠豆沙，亞姐又用更惡劣嘅態度答我「冇冇冇，冇咁嘅嘢」（間嘢有綠豆沙但我以為大熱天時會有埋凍嘅）...冇凍糖水都唔洗好似我乞佢咁嘅態度掛？