小魚兒 (富麗花園) (已結業)

之前嚟小魚兒都係食烤魚 今次想特別啲 所以就試吓佢嘅小菜同埋串燒🤤 金沙蝦球呢個嘅蝦球真係超大隻😮 外層粉漿唔會好厚 同埋鹹蛋黃味道好香 送飯一流🫢 蝦嘅數量都幾多辣子大腸本來好擔心會好辣🐷 因為一望都有好多乾辣椒🌶️ 但係豬大腸味道幾惹味 又唔會太辣 豬大腸先煎香過 入面嘅油脂爆香完之後食落唔會太肥膩👍🏻 同埋食呢啲內臟最忌係佢有陣怪味 但係呢個完全冇呀小魚兒香辣炒飯呢碟炒飯 夠晒我哋一家四口食呀 入面有雞肉 蝦仁 同埋魷魚粒粒🦑 每一啖炒飯都有配料喺入面 真係真材實料☺️蒜蓉牛油粟米呢個粟米幾香甜 由於佢唔係粟米粒粒 所以食落口都唔會成口油 蒜蓉份量一啲都唔吝嗇 啱晒我呢啲好鍾意食蒜蓉嘅人🌽燒腩肉串豬腩串一串有兩塊 呢個我嗌咗沙嗲味😉 好欣賞呢個沙嗲嘅味道 花生味好香 燒潮汕牛肉餅呢個一串又五件 除咗串燒可以選擇 如果食烤魚雞煲仲可以加做配料㗎🐮鹽燒牛胸爽好少地方可以食到牛胸爽 所以見到即刻嗌咗 串燒嘅方式 令到牛胸爽嘅油膩感更加減少🥰 好推介呢個燒羊肥腸串鍾意食羊肉嘅朋友 不妨試埋呢個串燒💛 真係唔係咁多地方可以食到羊腸 佢燒得好好食😋 外脆內軟整體嚟講呢度服務都唔錯 食物又高質素