影片
更多
2018-04-17
4073 瀏覽
生日食好d，就去食拎咗好多年米芝蓮3星嘅廚魔餐前小食，蔥油雞蛋仔，好香好脆，好好味😋😋😋1. 乾菇片喺面，西班牙黑毛豬火腿，魚，豆腐，底係大蒜薯仔凍湯，都ok2. 龍蝦他他，配蝦米油，點少少已經好香好味😋😋，之後仲樽蝦米油仲可以俾你帶走！另外仲有黑松露龍蝦雲吞，呢個就意料中嘅味3. 底係椰菜花加咗松子仁撈八珍甜醋，面黃色係甜甜地好杰的粟米汁，最面有燒過嘅粟米粒粒，我幾鍾意😋4. 份子小籠包，面果條紅線係浸過醋嘅薑，一口咬爆後就流咗d豬肉汁出嚟，都真係小籠包嘅味😄5. 煎鴨肝，煎得剛剛好，有丁點鴨羶味，配梅菜味雪糕剛好，中間再食合桃曲奇，最後食嘅提子係用鎮江醋浸過，清清個口，減去油膩感6. 茅台酒加埋蝶豆花茶，山渣整成杯嘢飲，幾杰身，幾香口，酒味唔會好濃，好特別，加上個杯真係勁正！個頭真係要仰到90度先飲到7. 燒豬皮好脆，肉好嫩滑，伴碟有黑醋薑汁，同有四川川椒焦糖咗嘅菠蘿，有5件，份量都幾多，我覺得好食過葡萄牙嘅燒豬🤣8. A3佐賀牛，好肥美，配黑松露汁，加d黑松露片，底下有腸粉，用咗頭抽同黑松露汁，個牛真係好味，腸粉就特色啦😆9. Signature 雞飯，用雞汁同雞油煮個飯，有d似
餐前小食，蔥油雞蛋仔，好香好脆，好好味
😋😋😋
1. 乾菇片喺面，西班牙黑毛豬火腿，魚，豆腐，底係大蒜薯仔凍湯，都ok
2. 龍蝦他他，配蝦米油，點少少已經好香好味😋😋，之後仲樽蝦米油仲可以俾你帶走！另外仲有黑松露龍蝦雲吞，呢個就意料中嘅味
3. 底係椰菜花加咗松子仁撈八珍甜醋，面黃色係甜甜地好杰的粟米汁，最面有燒過嘅粟米粒粒，我幾鍾意😋
4. 份子小籠包，面果條紅線係浸過醋嘅薑，一口咬爆後就流咗d豬肉汁出嚟，都真係小籠包嘅味😄
5. 煎鴨肝，煎得剛剛好，有丁點鴨羶味，配梅菜味雪糕剛好，中間再食合桃曲奇，最後食嘅提子係用鎮江醋浸過，清清個口，減去油膩感
6. 茅台酒加埋蝶豆花茶，山渣整成杯嘢飲，幾杰身，幾香口，酒味唔會好濃，好特別，加上個杯真係勁正！個頭真係要仰到90度先飲到
7. 燒豬皮好脆，肉好嫩滑，伴碟有黑醋薑汁，同有四川川椒焦糖咗嘅菠蘿，有5件，份量都幾多，我覺得好食過葡萄牙嘅燒豬🤣
8. A3佐賀牛，好肥美，配黑松露汁，加d黑松露片，底下有腸粉，用咗頭抽同黑松露汁，個牛真係好味，腸粉就特色啦😆
9. Signature 雞飯，用雞汁同雞油煮個飯，有d似risotto,不過佢無加芝士，只係齋煮到咁杰身，個飯真係超香雞味超好味，面頭再刨d日本乾鮑魚同自家製風乾咗嘅鵝肝粉上面，香上加香！飯質都似risotto ，dd硬硬地，真係想食多碗！😋😋😋
10. 最後嘅甜品概念係楊枝甘露，先食粒椰子水同芒果汁整成嘅波波，之後就可以食芒果雪葩同慕思，仲有沙田柚整成嘅翅，真係好勁沙田柚味！
所有嘢都好用心思去整，服務都好好，值得試下嘅！
張貼
