有緣小敍

營業中

休息中

喜歡食辣及陝西地道菜式嘅朋友，一定要試下呢間 !今日同朋友去完尖沙咀海運買波鞋，朋友跟我不約而同地想起渡船角嘅 biang biang 麵 因為大家都係食得辣嘅一族， 可能天氣翳悶想出身汗掛!我哋三點零鐘至嚟到，當然呢個時間冇乜人啦，仲驚佢未開㖭！陝西涼皮，小小酸味，小小辣味，配上青瓜絲 確實係開胃小食！肉夾饃，外皮小小脆，熱辣辣，入口餡料肉汁滲出嚟！店主知道我們三人，仲幫我們切開三分呢，真細心！呢個出曬名嘅 biang biang 麵，長長厚厚，入口煙韌嘅麵條，配上西芹餃子，真係好地道。出面唔係好多地方食到。