集眾菜館

營業中

休息中

呢間小店的咕嚕肉真的令人食上癮，雖然今晚都有叫，不過食晒先醒起唔記得影相。除了佢個拔絲菠蘿咕嚕肉之外，今晚仲叫了鐵板生腸同埋煎焗魚雲。咕嚕肉有幾好味就唔再多講，在場每一枱都有叫黎食就知道佢有幾多Fans。個鐵板生腸係老闆娘推介，唔知係唔係因為用新鮮生腸黎整，所以感覺上比較彈牙，而且唔會有雪味，另外D配料同埋個汁都好惹味。煎焗魚雲的煎焗效果唔錯，整得好乾身，而且食得出D魚雲都幾新鮮，味道都唔錯。最後不得不提嘅就係佢隻德國麥啤，出面好似好少見，好香麥味，又唔會太濃，真係幾好飲，用來餸鐵板生腸真係Perfect。