阿桂老友粉

營業中

休息中

南寧招牌老友粉加鲜腐竹 $34唔知大家有冇經過開新港城廣場三期地下呢？其實果度好多食肆可以嚐下鲜。今次要介紹阿桂老友粉嘅就係其中一間。呢間鋪鋪面唔大，淨係擺左四五張枱。不過weekdays六點幾七點嘅時候鋪頭大部份位就坐滿左，都幾多街坊黎食。menu除左有麵食之外，仲有飯餐同小菜可以揀，不過選擇唔算特别多。第一次試就梗係試招牌菜啦！揀左個南寧招牌老友粉，走辣，麵底要米粉，再加$4鲜腐竹，等左大約五分鐘多d就到左。所謂南寧招牌老友粉其實有時菜，豬肉片，酸菜，蕃茄同豆豉。湯底好清，飲唔到味精味，酸酸地非常開胃。生菜唔會話煮到腍哂 ，幾爽脆。豬肉片事先煎過，所以入口幾香。豆豉落左其實同冇落冇乜分别，因為完全食唔出佢嘅味道。腐竹索左湯底嘅味，又滑又香。總括黎講係好味嘅，而且價錢唔係話好貴。最重要嘅係呢個咁開胃嘅麵好適合係夏天熱到冇胃口嘅時侯食。