影片
更多
2017-04-26
554 瀏覽
世界輪流轉，阿媽竟然帶我潮嘆私房菜!上月中，有個Auntie車我媽去食私房菜，乜原來兩個人都可以食到私房菜架咩? 唔係要訂一大圍枱咁架咩? 哈哈，我都未食過私房菜，今次阿媽真係潮! 原來佢地仲要walk-in去食，枱都唔駛訂，去到可以叫餐或散叫喎。佢一路食一路喺whatsapp個family group入面share啲相出嚟威威 又話幾正幾好食。嗰日返到屋企又口述一次食咗啲咩....... 呢個私房菜之旅佢每隔一兩日就講一次，無限loop........講左幾日，老豆終於出句聲，話一齊去試下囉，佢拔槍喎。哈哈，我地梗係唔會反對，一於go go go! 我地就擇左個日子去食，到時出席就得喇喎~~食之前一日收到阿媽喺whatsapp send出嚟個餐單，我先知有咩食。阿媽話今次訂埋餐周全啲，佢先打電話去book枱，間私房菜就將個菜單whatsapp俾我媽，我媽再whatsapp同佢地傾有冇咩要改，全程由阿媽一手包辦，因為佢最清楚全家人鍾意食乜!餐單($441/位，每人菜位$2，免加一服務費):香芒沙律大蝦球砂鍋大魚頭豆腐湯芙蓉蛋白老虎班大肉蟹1只(可選花雕雞油蛋白蒸，避風塘炒，薑沖炒，
上月中，有個Auntie車我媽去食私房菜，乜原來兩個人都可以食到私房菜架咩? 唔係要訂一大圍枱咁架咩? 哈哈，我都未食過私房菜，今次阿媽真係潮! 原來佢地仲要walk-in去食，枱都唔駛訂，去到可以叫餐或散叫喎。佢一路食一路喺whatsapp個family group入面share啲相出嚟威威 又話幾正幾好食。嗰日返到屋企又口述一次食咗啲咩....... 呢個私房菜之旅佢每隔一兩日就講一次，無限loop........
講左幾日，老豆終於出句聲，話一齊去試下囉，佢拔槍喎。哈哈，我地梗係唔會反對，一於go go go! 我地就擇左個日子去食，到時出席就得喇喎~~
食之前一日收到阿媽喺whatsapp send出嚟個餐單，我先知有咩食。阿媽話今次訂埋餐周全啲，佢先打電話去book枱，間私房菜就將個菜單whatsapp俾我媽，我媽再whatsapp同佢地傾有冇咩要改，全程由阿媽一手包辦，因為佢最清楚全家人鍾意食乜!
餐單($441/位，每人菜位$2，免加一服務費):
香芒沙律大蝦球
砂鍋大魚頭豆腐湯
芙蓉蛋白老虎班
大肉蟹1只(可選花雕雞油蛋白蒸，避風塘炒，薑沖炒，胡椒炒，四川香辣炒)
蒜蓉粉絲蒸蟶子皇5只
大蜆燉蛋
士多啤梨骨
金華玉樹雞半只
上湯浸時菜
蟹油銀芽炒面
甜品
之前阿媽已溫馨提示老豆唔好揸車，因為樓下停車場索價$40一小時，所以佢地改搭的士嚟，可以慢慢食。我自己就搭港鐵嚟，觀塘港鐵站 B2 出口行嚟都近，幾易搵。
嚟到梗係搭客𨋢，我地貴賓黎架嘛
12樓F室，一出𨋢右邊就係:
五個人俾左張大枱我哋:
讚好facebook再share photo就送一枝汽水，始終覺得樽裝好飲過罐裝好多。其實叫一枝汽水都只係$10，唔駛加一。
香芒沙律大蝦球 ── 率先華麗登場嘅係香芒沙律大蝦球，色彩鮮豔，顏色分佈均勻，誇啲講甚至可以放喺屋企客廳嘅茶几上面做擺設都仲得，唔通師傅除咗厨藝連花藝都咁精通? 即刻放上FB就引嚟狂蜂浪Like。大蝦就「棲息」喺香芒之間，記得一次過食喎，大蝦嘅爽脆鮮甜；芒果嘅多汁香甜，喺口內雙甜齊發極match。
香芒沙律大蝦球
13 瀏覽
0 讚好
0 留言
蝦球好大隻，一人有一隻! 爽口彈牙，一啖食晒佢先夠滋味。
阿媽點評：生果切得好細粒，師傅真係幾用心去做，食客一啖就可以食到多種生果之餘亦增加了口感，師傅都係幾有心思。砂鍋大魚頭豆腐湯 ── 個魚頭成個煲咁大，好誇張，真係落足料。魚湯好鮮甜之餘入面啲魚肉同埋豆腐都滑過我家姐塊面。老豆平時最鐘意飲湯，外號「湯王」，今次唔知佢餓得滯定個湯真係咁好飲，佢嘢都唔講好努力咁飲，我飲完一碗佢已經準備嚟第三碗⋯
砂鍋大魚頭豆腐湯
21 瀏覽
0 讚好
0 留言
芙蓉蛋白老虎班 ── 切成大片嘅老虎班下面舖左一層蛋白去蒸，蒸起嚟令魚肉倍感香滑。
芙蓉蛋白老虎班
23 瀏覽
0 讚好
0 留言
老虎班肥美，放上碟睇到啲魚嘅油脂都流左出嚟。
食完魚記得食埋下面吸收咗魚鮮味嘅蛋白喎。
阿媽點評：師傅用蛋白蒸，令魚肉不失鮮味又健康，蛋白亦吸收到魚嘅鮮味，相得益彰。做法唔難，呢啲喺家常菜都唔難去煮，下次都買條石班小試牛刀先。不過要蒸到條魚僅僅熟，唔會過老就考功夫，火候要掌握得好好架。避風塘炒大肉蟹1只 ── 本來想食花雕蛋白蒸嘅，但考慮到老虎班都已經係蛋白蒸所以就叫左個Hong Kong Style啲 - 避風塘炒，我地叫左少辣。一上枱超級香
避風塘炒大肉蟹
14 瀏覽
0 讚好
0 留言
啖啖肉，好滋味!
蟹肉新鮮又爽甜，爽到一疏疏好似瑤柱咁，可以撕嚟食。
阿媽點評：蟹肉本身夠鮮甜，所以同蒜香加少少辣味撞出嚟夠晒惹味，若果隻蟹唔夠高質係炒唔到出嚟嘅，而且咁大隻蟹出面買都唔平，真係好重本，絕不欺場。下次再嚟要試下用花雕蛋白蒸，應可食到更鮮嘅蟹味。(今餐未食完已經期待緊下一餐=.=")蒜蓉粉絲蒸蟶子皇5只 ── 真係好大隻，蟶子上面一大堆香蔥香蒜夠晒惹味。
蒜蓉粉絲蒸蟶子皇5只
21 瀏覽
0 讚好
0 留言
我就鐘意清淡啲，撥走左啲蒜蓉，反正喺蒸嘅過程中，蟶子已經吸收左蒜蓉味。
阿媽點評：咁大隻蟶子好貴架，平時我都唔捨得買咁大隻呀! 一般嘅蒸法都係將啲粉絲擺埋入蟶子，呢度就將粉絲放晒喺底。好處係撥走左嘅蒜蓉可以撈落啲粉絲度一齊食唔會浪費，而攤平咗嘅粉絲仲可以更平均咁吸收蟶子鮮味同蒜味。粉絲都成為咗主角之一而唔係食左都唔多覺嘅閒角。大蜆燉蛋 ── 第一次食咁大隻蜆，每隻蜆都落咗唔少葱，令本身已經爽甜嘅蜆肉香口啲。如果再想滑啲可以加埋燉蛋去食。燉蛋冇落太多豉油感覺健康啲。
大蜆燉蛋
25 瀏覽
0 讚好
0 留言
阿媽點評：你哋出去食親蜆都係豉椒炒，係惹味嘅，不過太油，同埋啲餐廳好可能用啲冇咁新鮮嘅蜆去炒，因為反正新唔新鮮都好，都會俾豉椒炒嘅味道掩蓋咗。所以今次就叫咗蒸嘅俾你哋試吓，蜆肉夠晒鮮甜又爽脆。記得食晒啲燉蛋唔好嘥呀。士多啤梨骨 ── 一上枱就聞到士多啤梨嘅香甜。肉都算多唔係得掤骨，而且肥瘦分佈均勻，食落去又有肉味又有鮮士多啤梨味，食肥肥地嗰部份更加有啲油，好滑好味。家姐最鐘意食士多啤梨(屋企雪櫃梗有一盒)，但又怕肥，都忍唔住食，仲要食左幾舊同埋食晒啲士多啤梨果肉。我自己就覺得味道唔錯，但我唔鍾意「論」骨，我鍾意啖啖肉。
士多啤梨骨
17 瀏覽
0 讚好
0 留言
金華玉樹雞半只 ── 每舊雞上面都舖左一塊金華火腿。出面食金華火腿有時會又老又靱又勁鹹，但呢度啲金華火腿就每一片都好鮮色好嫰，而且唔會好鹹。
金華玉樹雞半只
12 瀏覽
0 讚好
0 留言
老豆點評：呢個餸個名都改得幾好，金華指金華火腿之外，其實應該都係形容啲雞皮淋左芡後「令立立」，好似舊金元寶咁閃閃生輝。玉樹? 中間幾棵鮮嫰菜心咪好似棵樹咁囉。(丫....又俾佢講得通)阿媽點評：將蒸雞剩底嘅湯汁，加調味料芶芡淋喺雞肉上，所以先咁靚咁鮮味。
上湯浸時菜 ── 「半場休息」之選，阿媽每次見到啲餐廳有上湯浸時菜都會點，因為我地食太多肉，要食多啲菜balance返喎，就咁烚又太寡，蒜蓉蒸又驚鹹，所以上湯浸就最好，容易入口之餘又唔會因煮得太耐而失去營養。
上湯浸時菜
18 瀏覽
0 讚好
0 留言
蟹油銀芽炒面 ── 食到尾聲仲有咁大碟炒麵，賣點係用蟹油炒比只用豉油多一些鮮味。炒出來「令立立」賣相吸引。返工早餐食開豉油王炒麵嘅細佬就話呢碟佢包底⋯
蟹油銀芽炒面
14 瀏覽
0 讚好
0 留言
細佬點評：雖然我鐘意食鹹但蟹油炒出嚟都夠味，放左洋蔥去炒，更加惹味。好過我日日返工食嗰啲(廢話......)
甜品 ── 一般外面食紅豆椰汁糕都係將啲紅豆加埋入椰汁糕裏面。係，冇錯，咁樣可以兩種味同時入口，但外觀睇落好似椰汁糕生暗瘡咁(家姐話)，所以每次家姐都會skip左唔食。呢度就係將紅豆放喺面再加啲紅豆汁，椰汁糕香滑唔在講，紅豆汁比紅豆粒更容易將個味道帶出嚟。家姐今次就唔skip啦～
紅豆椰汁榚
11 瀏覽
0 讚好
0 留言
第一次食私房菜，覺得厨師係好俾心機去做好每一道菜，唔似一般大集團食肆，嘢食公式化，服務又麻麻，因私房菜要靠口碑去吸客，大集團食肆就唔憂冇生意。特別係喜慶節日，與其等位同人迫仲要食搵笨價，不如食私房菜更顯品味。屋企人成餐都好滿意，水準絕對係高，價錢都好合理，始終用料足，落重本。雖然係小本經營，但全晚都不斷收碟換碟加水加茶，臨走仲不斷講多謝晒，服務真係有HEART!
阿媽就老王賣瓜，自賣自誇。佢話好正，大讚
張貼
