影片
更多
2020-02-19
2073 瀏覽
每週年慶祝晚餐都會都蠔吧食，今年都唔例外！不過今年因為撞正新春假期，去開既大角咀分店原來已經收左爐，打去樂富又full booking ,好彩上OP 訂到枱，第一次係荃灣分店食。嚟個冷盤先：魚生如果叫雙拼嘅就會平啲，我就揀咗一板海膽同埋三文魚刺身。海膽上枱附送紫菜，口感細滑，甘甜而濃郁海水味而又鮮味，配搭有鹽鹹香紫菜，口感複雜！齒頰留香但美中不足有一件海膽已壞，臭左三文魚刺身勁肥美，脂肪分布平均，魚油甘香濃郁，鮮甜而且滑溜，入口即溶，直頭咬咬下會sir落喉嚨咁滑，絕無誇張。全因為你，每年都會選擇過嚟蠔吧，10蚊時令生蠔我同男友最愛！不過今次啲生蠔細隻啲，唔夠creamy ，甘甜度都差少少，海水味依然豐富，不過稍略有少少蠔殼碎。餐牌上面寫住叫啤酒味薯條，不過店員話呢個只係得個名，無啤酒味嘅，其實只係普通炸薯條，油份比較多，應該無返炸逼返d油份岀嚟。我記得大角咀係有黑松露炸薯條㗎，都係果邊好食d!都係我至愛，卡邦尼意粉，不過問咗原來呢間分店係冇spaghettis只得扁意粉，因為我認為carbonara最夾始終係幼身意粉🍝味道唔錯嘅，個汁好出色夠結身，即係夠足芝士同cream !的而且確係
嚟個冷盤先：
魚生如果叫雙拼嘅就會平啲，我就揀咗一板海膽同埋三文魚刺身。
海膽上枱附送紫菜，口感細滑，甘甜而濃郁海水味而又鮮味，配搭有鹽鹹香紫菜，口感複雜！齒頰留香但美中不足有一件海膽已壞，臭左
三文魚刺身勁肥美，脂肪分布平均，魚油甘香濃郁，鮮甜而且滑溜，入口即溶，直頭咬咬下會sir落喉嚨咁滑，絕無誇張。
全因為你，每年都會選擇過嚟蠔吧，10蚊時令生蠔我同男友最愛！不過今次啲生蠔細隻啲，唔夠creamy ，甘甜度都差少少，海水味依然豐富，不過稍略有少少蠔殼碎。
餐牌上面寫住叫啤酒味薯條，不過店員話呢個只係得個名，無啤酒味嘅，其實只係普通炸薯條，油份比較多，應該無返炸逼返d油份岀嚟。我記得大角咀係有黑松露炸薯條㗎，都係果邊好食d!
都係我至愛，卡邦尼意粉，不過問咗原來呢間分店係冇spaghettis只得扁意粉，因為我認為carbonara最夾始終係幼身意粉🍝
味道唔錯嘅，個汁好出色夠結身，即係夠足芝士同cream !的而且確係好濃厚既蛋香同芝士仲有香菇味芝士本身鹹香，唔使落黑椒或者鹽都夠味，意粉軟硬適中，口感彈牙。
咁浪漫梗係要鋸扒啦，呢隻特級ribeye order 左3成熟，不過上枱其實都5成熟了，肉汁依然keep到，牛味濃郁，牛肉偏瘦而過熟，肉質有點韌，不過無乜筋，個sauce 就鹹鹹酸酸咁，幾match 幾特別。
買單有八五折，因為op訂枱yeah !
張貼
