影片
更多
2014-09-20
3277 瀏覽
聽d朋友講話皇仁飯堂煮中菜有一手，成日爆場，仲要係舊生先有得訂枱，個個為食嘩鬼流哂口水 ，渴望一試真偽！甘啱靚女朋友識得皇仁仔，我地乘機掹車邊一齊去 ！多得名校生預早一個月前訂枱，我地先可以重拾那些年既校園感覺啊 ！皇仁舊生會中學，係維園對面既皇仁書院旁邊，沿銅鑼灣道直行，即維景酒店附近既對面。直入學校，昔日既校園點滴，再一次湧上心頭！侍應叔叔久候多時, 即帶領我地入去廂房，廂房小巧玲瓏，佈置清雅舒適。是晚預訂既宴席名為"鴻運滿堂宴"，聽聞每道菜都經過精心炮製，色香味俱全，兼且份量十足架 ！我地支持環保，聽取名校生既建議，省減修改一兩道菜，以免浪費食物！1.花姿片珊瑚蚌 : 有乳鴿肉，肉片嫩滑，而橙色既珊瑚蚌及白色既花姿片同樣爽口彈牙, 撈埋d黑木耳、西蘭花等齊炒，賣相一絕！2.炸蟹鉗 : 外層相當酥脆可口熱辣辣，略嫌蟹肉太少，蝦膠蛋䊢夠彈口，此道菜稍遜"鳳城酒家"，不過人家收成88蚊一隻，食材自然非同凡嚮！3.糖桂花餞美國桶蠔 : 大大隻蠔，外層炸漿又薄又脆，蠔肉豐滿唔乾身，鮮味突出，清甜糖桂花好入味！4.杏汁豬肺湯 : 揭開煲蓋，杏仁味清香撲鼻，奶白色湯底，一望仲超
是晚預訂既宴席名為"鴻運滿堂宴"，聽聞每道菜都經過精心炮製，色香味俱全，兼且份量十足架 ！我地支持環保，聽取名校生既建議，省減修改一兩道菜，以免浪費食物！1.花姿片珊瑚蚌 : 有乳鴿肉，肉片嫩滑，而橙色既珊瑚蚌及白色既花姿片同樣爽口彈牙, 撈埋d黑木耳、西蘭花等齊炒，賣相一絕！
2.炸蟹鉗 : 外層相當酥脆可口熱辣辣，略嫌蟹肉太少，蝦膠蛋䊢夠彈口，此道菜稍遜"鳳城酒家"，不過人家收成88蚊一隻，食材自然非同凡嚮！
3.糖桂花餞美國桶蠔 : 大大隻蠔，外層炸漿又薄又脆，蠔肉豐滿唔乾身，鮮味突出，清甜糖桂花好入味！
4.杏汁豬肺湯 : 揭開煲蓋，杏仁味清香撲鼻，奶白色湯底，一望仲超足料添 内有豬肺、雞肉雞腳、豬肉、菜膽、杏仁等等。飲一啖已停唔到口，超滑溜香甜兼潤肺，認真夠哂火喉既老火湯！
5.蟹粉豆腐 : 黃澄澄色澤既蟹粉, 口感鮮美而不膩，襯上軟滑既豆腐及鮮嫩既豆苗，清淡中滲着甘香，每一口都充滿濃郁膏香！
6.椒鹽陳皮中蝦 : 外脆薄内軟嫩，蝦肉鮮甜，爽口彈牙，帶點鹹辣, 唔該再來一隻！
7.柚皮花菇扒菜膽 : 柚皮夠厚肉，炆得又腍又入味，但就食唔到柚皮本身既味道！
8.炸子雞 : 皮薄香脆，雞肉嫩滑，雞味濃郁！
9.潮式芋頭炒飯 : 芋頭炸得又香又酥，加埋炸蝦米，卜卜脆，好有嚼勁既口感！炒飯粒粒乾爽唔油膩，還有其他配菜如葱花、蛋、欖菜等，直頭飯香滿瀉喇！
10.腰果露芝麻湯圓 : 腰果味濃香，湯圓皮薄而煙韌，入口順滑，甜度適中，嗜甜女生既至愛！
侍應姐姐好殷勤，不斷甘幫我地換碟！呢度自攜酒水，不另收費！我地带左樽日本梅酒，侍應叔叔仲幫手倒酒分酒, 梅子仲另外上碟添！大家笑笑說說想想，興起時就乾一杯，歡樂笑聲嚮遍整間廂房 ！侍應姐姐口甜甜，笑住口叫男生們做學生哥呢！搞到男生們個個飯後chok住留倩影！最後附上切片西瓜一盤，又甜又解渴，為呢餐飯畫上完美既句號！
張貼
