檸檬冰室 (中海日升中心)

營業中

休息中

唔知點解近排好興開心果製食物，引起唔少餐廳推出開心果系列款式，而呢間茶記最近亦推出三款以開心果為主題嘅烘焙。開心果脆曲，散發着開心果同牛油香氣，咬落酥脆，口感豐富。開心果老婆餅，第一次見，外皮鬆化，而且唔甜，老少咸宜。開心果芝士撻，賣相一流，三款有創意得來味道都幾高質，絕對值得一試。餐廳有幾間分店，但唯獨呢間有麵包、撻、甜品等供應。由最傳統嘅菠蘿包、椰香雞尾到比較特別同新派嘅菠蘿麵包蛋糕、檸檬忌廉芝士等，經過已經聞到香噴噴嘅麵包香氣，全部大大件，金黃色，喺附近返工或者區內朋友真係有福了🙈 私心推介焦糖蛋撻、迷你雞批、叉燒批，批脆且唔油膩，餡料飽滿、麵包鬆軟可口，價格同出邊差唔多，下次會試埋佢哋嘅茶餐同小炒。