狎鷗亭居酒屋

營業中

休息中

呢間韓國餐廳向正諾士佛臺樓上，好容易搵，而且平日係開到凌晨三點，岩哂向樓下happyhour完又想搵嘢食再續攤嘅朋友。 上次食過醬油蟹已經覺得好好食，今次朋友話想食韓國菜就諗起呢到，仲要岩岩好星期一有8折優惠。 今次就叫左韓式豬仔腳 - 份量非常大，而且豬腳非常入味，完全唔使用醬都已經好夠味，另外會提供生菜可以包起一齊食。好鐘意試韓國湯嘅我，今次揀左大豆芽湯，滿滿嘅芽菜再加柴魚同青口，非常鮮甜。 店員亦都好細心見湯就快見底會幫我地再加。不得不提佢地嘅前菜有6小碟，每一款都好好食，最愛嘅泡菜醃製得剛剛好。下次要再嚟試埋其他嘢食。