影片
更多
2022-04-13
358 瀏覽
又去觀塘工廈搵好嘢食，不過今次得我🐻肌肉熊👻，呢間餐廳冇得訂枱又長期滿座排長龍。趁早收工早少少去排隊，等左四十分鐘左右終於可以入座。環境乾淨舒服，冇限用餐時間，可以慢慢食，唔怕店員趕你走，啱晒同朋友聚會，坐底傾計用QR code自助落單，主要提供意粉、飯類、小食及甜品，整體味道好份量多，價錢就中上，下次一定要帶埋🐻❄️臭屁熊去食先☺️_➤明太子忌廉大蝦燉飯🦐🍲$148份量都多夠兩三個人食，大蝦有大約五六隻，爽口彈牙。醬汁同飯粒融為一體，幾creamy有咬口，明太子同忌廉味幾重，食落少少辣幾惹味。同埋可能落咗好多明太子，燉飯係充滿少女心嘅粉紅色，不過唔會過鹹，只係食食下有啲膩同滯➤鹹蛋黃雞翼(六隻)🥚🍗$68岩岩炸好新鮮熱辣，唔係出面啲縮水破邊雞翼，而係大大隻啖啖肉，金黃色嘅外皮食落非常香脆，肉質嫩滑充滿肉汁，每隻都被超多鹹蛋黃醬覆蓋住，鹹鹹香香，非常邪惡但食落唔覺好油膩有罪惡感，肌肉熊表示食多幾隻都唔厭，想嚟多碟添😋➤士多啤梨梳乎厘班戟🍓🥞$109必叫嘅招牌菜，賣相好吸引，側邊有士多啤梨塊伴碟🍓梳乎厘蛋香味重，都厚身，口感鬆軟綿密，食落都實在又不失空氣感，面頭淋上士多啤梨醬，濃稠香滑，酸
用QR code自助落單，主要提供意粉、飯類、小食及甜品，整體味道好份量多，價錢就中上，下次一定要帶埋🐻❄️臭屁熊去食先☺️
_
➤明太子忌廉大蝦燉飯🦐🍲$148
份量都多夠兩三個人食，大蝦有大約五六隻，爽口彈牙。醬汁同飯粒融為一體，幾creamy有咬口，明太子同忌廉味幾重，食落少少辣幾惹味。同埋可能落咗好多明太子，燉飯係充滿少女心嘅粉紅色，不過唔會過鹹，只係食食下有啲膩同滯
明太子忌廉大蝦燉飯
$148
22 瀏覽
0 讚好
0 留言
➤鹹蛋黃雞翼(六隻)🥚🍗$68
岩岩炸好新鮮熱辣，唔係出面啲縮水破邊雞翼，而係大大隻啖啖肉，金黃色嘅外皮食落非常香脆，肉質嫩滑充滿肉汁，每隻都被超多鹹蛋黃醬覆蓋住，鹹鹹香香，非常邪惡但食落唔覺好油膩有罪惡感，肌肉熊表示食多幾隻都唔厭，想嚟多碟添😋
鹹蛋黃雞翼
$68
28 瀏覽
0 讚好
0 留言
➤士多啤梨梳乎厘班戟🍓🥞$109
必叫嘅招牌菜，賣相好吸引，側邊有士多啤梨塊伴碟🍓梳乎厘蛋香味重，都厚身，口感鬆軟綿密，食落都實在又不失空氣感，面頭淋上士多啤梨醬，濃稠香滑，酸酸甜甜咁，唔會過甜或化學味，推介👍🏻
士多啤梨梳乎厘班戟
$109
28 瀏覽
0 讚好
0 留言
➤焦糖布甸沙冰🍮🥤$48
味道同預想嘅差唔多，就係普通焦糖布甸味🤣濃度甜度適中，沙冰質感都順滑，大大杯，不過略厭價錢偏貴
焦糖布甸沙冰
$48
27 瀏覽
0 讚好
0 留言
_
🍽味道指數:★★★★☆
📷環境指數:★★★★☆
🛎服務指數:★★★★☆
💰抵食指數:★★★☆☆
😋推薦指數:★★★★☆
📍Cobber Coffee and Tonys Pastry
觀塘駿業里8號世貿大樓1樓
張貼
