大家樂 (The LOHAS康城)

營業中

休息中

今晚又去咗大家樂食晚餐，原因好簡單——朋友玩完返香港，見時間唔早，就喺附近快快手搵地方醫肚。原來大家樂人流已經回復正常，要排隊等叫餐，真係市況回暖既象徵。我揀咗鐵板燒餐，有豬扒同雞扒，配上香濃磨菇酥皮湯，份量啱啱好。鐵板熱辣辣上枱，肉質唔算特別嫩滑，但煎得香口，勝在夠鑊氣。雞扒啖啖肉，豬扒略帶嚼勁。個酥皮湯賣相幾吸引，面層酥皮焗得金黃，湯底香濃唔過鹹，有驚喜。堂食環境整潔，雖然人多，但座位周轉都算快。今次經驗唔錯，快捷又飽肚，適合忙碌日子解決一餐。