影片
更多
2023-04-26
1044 瀏覽
上次我地嚟HotelIcon歎左個超豐富嘅GODIVA下午茶之後，我都一直念念不忙，見佢地有新下午茶主題，所以為食嘅我就同大少再嚟享受一下兼等佢抖抖氣，可以叉足電繼續溫書。今次嘅限定「La Maison du Chocolat法國風情」下午茶係同法國朱古力品牌 La Maison du Chocolat Hong Kong 聯乘，四款前前菜、五選一嘅主菜同埋下午茶三層架，完全係超吸吸引~前菜有『法式忌廉龍蝦湯』、『法國鵝肝醬釀蟹肉配蒜蓉包』、『法式焗青口配普羅旺斯』同埋『香草牛油焗法國蝸牛配炒蛋及魚子醬』。其實四款都唔錯，不過大少就話最鐘意食 法國鵝肝醬蒜蓉包 ，佢鐘意程度就連我嗰份都食埋就知~最..最…最特別係我地今次都係第一次食焗法國蝸牛，口感煙煙韌韌幾得意喲~主菜方面Kinsey就揀左『法式紅酒燴牛面頰肉配薯蓉』，佢話超好味，個牛面頰超級嫩滑，個薯蓉仲好軟綿綿，所以佢係超快就KO左成碟，以行動證明好味~我就嚟一個『法式芝士焗加勒比野生龍蝦尾（半隻）配田園沙律』，龍蝦尾個肉質好爽彈，配埋表面鋪滿澎湃芝士，啱晒我依個芝士控呀~吃完前菜同主菜都已經好飽飽，不過見到咁靚靚嘅艾菲爾鐵塔造型
今次嘅限定「La Maison du Chocolat法國風情」下午茶係同法國朱古力品牌 La Maison du Chocolat Hong Kong 聯乘，四款前前菜、五選一嘅主菜同埋下午茶三層架，完全係超吸吸引~
前菜有『法式忌廉龍蝦湯』、『法國鵝肝醬釀蟹肉配蒜蓉包』、『法式焗青口配普羅旺斯』同埋『香草牛油焗法國蝸牛配炒蛋及魚子醬』。其實四款都唔錯，不過大少就話最鐘意食 法國鵝肝醬蒜蓉包 ，佢鐘意程度就連我嗰份都食埋就知~
最..最…最特別係我地今次都係第一次食焗法國蝸牛，口感煙煙韌韌幾得意喲~
主菜方面Kinsey就揀左『法式紅酒燴牛面頰肉配薯蓉』，佢話超好味，個牛面頰超級嫩滑，個薯蓉仲好軟綿綿，所以佢係超快就KO左成碟，以行動證明好味~
我就嚟一個『法式芝士焗加勒比野生龍蝦尾（半隻）配田園沙律』，龍蝦尾個肉質好爽彈，配埋表面鋪滿澎湃芝士，啱晒我依個芝士控呀~
吃完前菜同主菜都已經好飽飽，不過見到咁靚靚嘅艾菲爾鐵塔造型嘅下午茶三層架，又真係好易令人失控狂食同打卡嘅…哈哈~
一系列法式甜點；英式傳統鬆餅、忌廉泡芙、法式瑪德蓮、雲呢拿奶凍、蝴蝶酥、開心果馬卡龍、芒果芝士蛋糕再加埋La Maison du Chocolat朱古力，真係唔講得少，大少嘅戰鬥量仲比我強好多，因為好多佢都話好味，食埋我嗰件添~
下午茶包飲品一杯，我就揀左TWG嘅薄荷綠茶，大少就嚟一杯檸檬茶~
不過，不得不提加$20就可以任食自家製草莓雪糕，仲可以加埋多款配料，我地兩個人加埋食左五杯咁多，回想返係有啲誇張，不過咁好味又真係忍唔到嘅~
張貼
