新膳川雲南米線

營業中

休息中

呢間新店雖然叫雲南米線，但其實有好多唔同食物選擇。我哋叫咗個$188二人餐，另外加咗兩個小食，勁豐富😍🌟金湯酸菜魚金湯勁濃郁，魚肉又嫩滑，冇乜骨，酸辣味好平衡🌟沙拉骨沙拉骨佈滿沙律醬，主要係大骨，肉嘅比例都好多，最緊要係沙拉好入味🌟清新手撕雞飯呢個手撕雞飯清新嘅位在於加咗檸檬，同埋本身有少少芫荽同芝麻同個雞汁好夾🌟新鮮油生菜🌟飲品飲椰奶太子冰要加$18，天氣太熱，見到個冰字都忍唔住叫🤣 椰漿味好香，又唔會搞到杯野太杰🌟手拍青瓜連皮青瓜切成短塊，勁重蒜，醋汁唔會太酸，食落好清新🌟豬頸肉煎到個皮少少脆，肉質好鮮嫩，點個酸辣醬超正