Cova Ristorante & Caffe (太古廣場) (已結業)

金鐘返工，lunch time出街食其實冇咩選擇。如果間中想食好少少，COVA係我地其中一個option。佢個lunch set有自助頭盤或湯或沙律、主菜同餐茶。🍴意式精選自助頭盤🥬包括帕馬火腿配哈蜜瓜、兩款冷切肉、煙三文魚、沙律菜丶水牛芝士丶橄欖，之前去都有認真擺盤，今日係直接掉哂落隻碟🤢但係佢既頭盤絕對好食過好多酒店自助餐，重點係任你refill，食完個頭盤都飽左大半。🍴和牛肉醬自家製千層麵🍝肉醬煮得好腍好入味，自家製既麵都唔錯，呢個係如果menu有，我大多數都揀佢。餐茶都好開心，如果揀茶，佢係會成壺serve。一個lunch hour通常都唔夠😂