Dodam Chicken (利舞臺廣場)

營業中

休息中

出開銅鑼灣搵朋友食 lunch,想靜靜地傾下計，朋友推介我來利舞臺樓上食肆 Dodam Chicken，雖然店舖主打炸雞烤雞，但都有湯麵同飯，lunch set 最平$70幾包自助吧，可以任食泡菜同埋韓式炒粉絲(兩樣都係我至愛)，飲品可無限添飲熱柚子蜜或者雪櫃入邊各款飲品，CP值都好高！ 同埋舖頭環境寬敞寧靜，卡位坐得好舒服，炸雞烤雞有好多款味，不過今日同友人身體都有點唔舒服，所以最後都係揀了湯麵同飯。鮑魚人蔘雞湯飯 $95 天氣開始凍，好適合食人蔘雞湯飯，鮑魚大隻又入味，雞湯都充滿人蔘苦甘味。雞湯刀削麵 $80應該算係韓國菜少數唔辣既拉麵，生病時食都唔錯，湯頭清甜冇雞皮油脂感，雞絲嫩滑，不過如果雞肉份量可以多返少少就好了。