lunch omakase
上次就同大家食咗岩浪嘅lunch set~今次就試下omakase😋✨14件壽司/天婦羅超滿足！
🍣廚師發辦14件創作壽司定食 $580/位
1. 平靜魚壽司(評分: 🍣🍣🍣🍣)
師傅話果日果條平靜魚成20幾kg😍~ 食落口幾特別(*ˉ︶ˉ*)
2. 鰤魚壽司(評分: 🍣🍣🍣🍣)
鰤魚即係野生嘅油甘魚 會比起普通嘅油甘魚更加肥同有油脂
3. 燒吞拿魚腩壽司伴炸葱條 (評分: 🍣🍣🍣🍣🍣)
拖羅愛好者必試😍~ 超正！比起普通嘅燒拖羅壽司 師傅特登加埋炸蔥條 令到成件壽司超有層次同埋立體感 油脂滿滿嘅拖羅🤤好想再食了
4. 鰹魚壽司伴蒜粒(評分: 🍣🍣🍣)
就咁睇幅圖就知道鰹魚有幾厚身！加埋蒜粒簡直帶咗堅與嘅鮮味出嚟（≧∇≦）
5. 鮫鰈魚壽司伴肝醬(評分: 🍣🍣🍣🍣🍣)
本身自己都幾鍾意食灸燒嘅壽司 呢一個鮫鰈魚壽司師傅除咗灸燒之外仲配咗肝醬同葱花✨首先灸燒已經可以逼到晒啲油脂出嚟 另外加埋肝醬同葱花 就可以平衡返油膩嘅感覺 正正🤤🤤
6. 帶子伴海膽壽司(評分: 🍣🍣🍣🍣🍣🍣)
海膽嘅愛好者舉手️🙋🏻🙋🏻🙋🏻🙋🏻🙋🏻超愛海膽🤤首先帶子唔係啲咩濃味嘅貝類 所以完全做到襯托海膽嘅甜味！而且帶子超級鮮甜 總之就係食落口有一種唔想吞落肚嘅感覺🤤
7. 牡丹蝦壽司伴櫻花蝦+蝦膏 (評分: 🍣🍣🍣🍣)
就咁睇落去啲櫻花蝦同埋蝦膏有啲似肉鬆😂😂但係其實食落去真係幾正！蝦嘅肉身鮮甜同爽口🦐另外我第一次試櫻花蝦再加牡丹蝦🤤超夾同有層次感
8. 海膽杯😍 (推介: 🍣🍣🍣🍣🍣🍣🍣)
有睇上個post就知我對嗰舊帶子壽司伴海膽有幾鍾情🤤跟住竟然有海膽杯(´･Д･)」??!!!除咗一般嘅海膽，師傅仲將蟹肉同埋海膽撈落去壽司飯度😍😍🤤神級好味 感覺食100個都OK🤤🤤🤤
1
9. 葱吞拿魚腩茸手卷 (推介:🍣🍣🍣🍣🍣)
每次食omakase最期待嘅就係手卷🤤因為永遠都係佢帶落去啲熟食度 好食就可以成為今餐完美嘅句號hehehe~ 師傅包咗葱吞拿魚腩茸同炸蔬菜 超級有口感！同埋大家唔好掛住影相遲咗食！一陣淋曬就唔好啦~
10-11. 炸蝦+炸蝦頭天婦羅(推介: 🦐🦐🦐🦐)
終於嚟到熟食嘅環節啦！個人來講唔係好鍾意食天婦羅蝦 不過師傅炸得好乾身同脆口~ 我覺得炸蝦頭比較好食好惹味🤤
12. 炸鮑魚天婦羅 (推介: 🦪🦪🦪🦪🦪)
每次黎岩浪必食嘅炸鮑魚😍~ 保留到佢嘅鮮味同keep到脆口🤤highly recommended!
13. 白金鯛天婦羅 (推介: 🐟🐟🐟🐟🐟)
講到今餐最推介嘅天婦羅就一定係白金鯛天婦羅😍✨！好特別！其實做魚嘅天婦羅好高成本架 炸咗魚嘅油就唔可以用嚟炸其他食材~ 所以肯做炸魚嘅都係好店😉
14. 焦糖玉子燒 (推介: 🍳🍳🍳🍳🍳🍳)
呢個焦糖玉子燒超級有驚喜！完全冇諗過上面有一層焦糖😍😍🍳好似一個甜品咁！
甜品:
🍵柚子雪葩+抹茶雪糕🍦
甜品不過不失~ 唔會話太甜hehe🤤
——————-
每個餐都有跟前菜，茶碗蒸，沙律同麵豉湯❤️絕對唔使驚唔夠飽！仲有跟雪糕或者咖啡~ Highly recommended!!
另外燒鱈魚片係額外叫架~ 就唔包喺omakase入面♪( ´θ｀)ノ
記得book位先去啊！如果唔係就一定摸門釘~
📍岩浪天扶良日本料理 @iwanamijapaneserestaurant
銅鑼灣軒尼詩道525號澳門逸園中心9樓
(港鐵銅鑼灣站 D2 出口行一至三分鐘🏃♀️🏃♀️)
