家賀屋

熱烈慶祝2025年第1個生日飯❣️嚟到銅鑼灣「家賀屋」，當然除咗食我最愛嘅豪華丼飯，更加係為咗勁可愛嘅畫碟甜品而嚟🎨特濃開心果雪糕脆窩夫杯 ⭐️⭐️⭐️⭐️⭐️今天畫碟服務畫咗我最愛嘅小丸子🩷多謝負責畫家畫得咁靚咁可愛👍🏻開心果雪糕配埋窩夫杯一齊食又脆又香濃，食完咁豐富嘅日本菜，必須食埋呢個高質甜品結尾🤤特選海鮮丼定食 ⭐️⭐️⭐️⭐️⭐️嚟到加賀屋必點定食❣️餐牌定食種類勁多，但我比較專一每次都係叫特選海鮮丼，因為魚生真係鋪滿成個飯瀉出嚟，我最愛嘅有左口魚、鮑魚、蝦同埋海膽，呢個丼飯完全滿足晒我嘅要求，而且定食配埋沙律、茶碗蒸同麵豉湯，實在係好難抗拒🤣青龍壽司卷 ⭐️⭐️⭐️⭐️⭐️好鍾意呢度嘅青龍卷，入面包住嘅炸蝦炸得勁香脆，加埋面頭嘅魚子咬落脆卜卜口感更豐富，配埋沙律醬真心推薦😌自家焦糖玉子燒 ⭐️⭐️⭐️⭐️⭐️好特別嘅玉子燒，上面加咗一層脆卜卜焦糖，食落好似焦糖布甸，鍾意食甜嘢嘅必點❣️吉列廣島蠔 ⭐️⭐️⭐️⭐️⭐️食完魚生飯，喺時候食返舊熱辣辣嘅吉列廣島蠔😌廣島蠔size幾大隻，而且炸到好酥脆但係唔會好油膩👍🏻明太子雞翼 ⭐️⭐️⭐️⭐️⭐️雞翼入面塞滿明太子，雞翼外皮煎得香脆，明太子鹹鮮味比較重而且帶有少少辣，啱晒鍾意重口味嘅我😄