Lúa (已結業)

呢排天氣咁熱我就會想食啲冇咁heavy嘅菜式，咁啱喺銅鑼灣就諗起呢間越南餐廳。如果經過餐廳，一定會俾佢哋佈滿色彩繽紛燈籠嘅露台吸引🏮我當晚去仲有音樂表演，氣氛幾不錯🎤🥢香茅豬肉撈檬 ($119)香茅豬肉juicy得嚟又入味，份量都幾多，夏天食撈檬夠曬refreshing🙌🏻🍗小食自選拼盤 ($120) 我哋揀咗3款小食 (各2件)：豬肉春卷炸到好酥脆；柑桔汁雞翼甜甜地又香口；即叫即製手工粉包嘅粉皮煙韌，包住肉碎同木耳等材料，口感豐富，呢3款小食都幾不錯～🍮班蘭布甸法包配自家製椰子雪糕 ($128)第一次見呢個甜品組合當然要試吓😋 法包烤到好脆，入面係滿滿嘅班蘭布甸，質地幼滑得嚟仲有啲流心，配埋椰子雪糕冰火交融，幾得意！🥥原隻椰青冰沙 ($118)冰沙有淡淡椰子香味，甜度適中，成日飲原個椰青嚟到呢度都可以試吓新嘢😋🍋鮮青檸沙冰 ($65) 好適合鍾意飲酸嘢嘅朋友，一路食一路飲真係可以解膩🧊