影片
更多
2025-03-17
0 瀏覽
韓國菜嘅fine dining都係第一次食，呢間喺銅鑼灣嘅餐廳位於商廈高層，可以望到維港景緻，餐廳雖然唔算好大，但環境闊落舒適，約會dating就啱晒。我哋今次就叫咗餐廳嘅9道菜嘅tasting menu （$1480@)，有成6款前菜咁多，另外仲有1款主菜、米飯同甜品，每道菜都好精緻。紫蘇油炸及三次風乾的釜山海苔及濟洲海藻海苔同海藻經紫蘇油炸過之後非常香口，食落脆卜卜，炸海藻平時比較少機會食得到，咬落去非常酥脆。食嘅時候可以配上3款唔同口味嘅豆腐醬，增添風味。韓國左口魚刺身、72小時醬油大蝦及醬油三文魚刺身夠新鮮，韓式嘅刺身同日式嘅唔同，點嘅係麵豉醬同辣醬，估唔到到幾夾。左口魚味道鮮甜，大蝦用醬油醃過好入味得嚟肉質爽彈，三文魚亦都好肥美。師傅仲整咗d左口魚裙邊俾我哋，入口即融。韓國當造特色蔬菜、韓牛、新鮮蜆肉、及自家大米15小時以上烹調傳統粥呢碗粥用咗15個鐘以上去煮，口感非常綿密，而且因為加咗新鮮蔬菜、牛肉同蜆肉，味道非常鮮甜，配埋少少麻油同薄脆一齊食增添口感。章魚片、韓國橡子果凍配炸豆腐鱈魚籽三文治三文治炸到外面脆身，入面係軟滑豆腐同鹹香鱈魚籽。配嘅果凍酸酸哋可以中和返炸三文治嘅
紫蘇油炸及三次風乾的釜山海苔及濟洲海藻
海苔同海藻經紫蘇油炸過之後非常香口，食落脆卜卜，炸海藻平時比較少機會食得到，咬落去非常酥脆。食嘅時候可以配上3款唔同口味嘅豆腐醬，增添風味。
韓國左口魚刺身、72小時醬油大蝦及醬油三文魚
刺身夠新鮮，韓式嘅刺身同日式嘅唔同，點嘅係麵豉醬同辣醬，估唔到到幾夾。左口魚味道鮮甜，大蝦用醬油醃過好入味得嚟肉質爽彈，三文魚亦都好肥美。師傅仲整咗d左口魚裙邊俾我哋，入口即融。
韓國當造特色蔬菜、韓牛、新鮮蜆肉、及自家大米15小時以上烹調傳統粥
呢碗粥用咗15個鐘以上去煮，口感非常綿密，而且因為加咗新鮮蔬菜、牛肉同蜆肉，味道非常鮮甜，配埋少少麻油同薄脆一齊食增添口感。
章魚片、韓國橡子果凍配炸豆腐鱈魚籽三文治
三文治炸到外面脆身，入面係軟滑豆腐同鹹香鱈魚籽。配嘅果凍酸酸哋可以中和返炸三文治嘅油膩感。
韓式參雞湯燴飯
呢道燴飯用上香濃蔘雞湯燴煮，上枱時店員更加會噴上人蔘酒，叫得fine dining，除咗味覺，亦都係視覺同嗅覺嘅享受。
海鮮清湯配烤釜山鮑魚
海鮮湯清得嚟好鮮味，鮑魚經過慢煮，口感爽彈，湯嘅面頭仲鋪滿泡泡，打卡呃like一流。
烤澳州和牛
主菜方面，我哋叫咗份烤和牛，和牛份量雖然唔多，但火候控制得唔錯，牛扒嘅中心仍然保留到粉紅色但亦唔會有太多血水，肉質腍嫩肉味香濃。
烤釜山鰻魚
另一道主菜就揀咗烤鰻魚，鰻魚皮烤都非常香脆，鰻魚肉厚，鮮嫩爽彈，底嘅薑味薯蓉亦都非常有特色。
釜山自家農田珍珠米飯配48小時鰻魚湯加五種時令特色釜山伴菜
米飯用上韓國自家種植嘅珍珠米，口感比較黏糯，加埋生魚肚、黑豆、魚乾、野菜等5款伴菜同用鰻魚骨熬製嘅高湯一齊食，真係非常有韓國特色。
糯米年糕窩夫餅配自製雪糕
甜品就有糯米年糕窩夫配自家製雲呢拿雪糕，年糕窩夫外脆內軟，口感煙靭，配埋雪糕食真係非常滿足。
。
。
OOULI (銅鑼灣)
銅鑼灣糖街25-31號Sugar+ 23樓
。
。
張貼
