影片
更多
2024-01-25
473 瀏覽
呢到有超多款串燒，雞肉、豬肉、牛肉、羊肉都有，應有盡有。收工過黎食幾串串燒飲番杯都幾寫意！串燒 $ 25-$78 ★★★★☆叫左咁多樣野食，最推薦厚切牛舌，咬番軟硬適中幾juicy，一啲都唔韌，食完即刻想ENCORE！自家製免治雞肉棒（日本蛋），啖啖肉有肉汁，雞肉唔會乾同鞋口，點埋隻日本蛋，熱辣辣食正！雞皮燒到好酥脆，咸味剛好，咬落啲油脂爆發，好邪惡！豬腸雖然切得幼少少，但同樣咁香脆，餸酒一流。雞軟骨一向係我最愛，燒完唔會太乾身，有軟骨兼有帶啲肉，香口又有咬口！燒蠔(蔥蒜)，大大隻蠔，冇全熟縮哂水，食落仲有海水個種咸味，好鮮！ 鹿兒島黑豚 $188★★★★☆呢個望落似用左Collar梅頭肉，肉帶啲脂肪，食落去有肉香同油香，越咬越有味道。肉質柔軟，食多幾舊都仲係幾清爽唔油膩！鵝肝多士 $88★★★★☆鵝肝熟度剛好，唔會太熟。質地細嫩，口感帶啲粉綿，入口即化！配埋脆多士冇咁油膩，過多嘅油脂塊多士吸埋，啖啖都咁正！軟殼蟹天婦羅 $68★★★★☆軟殼蟹有4小件，食落好酥脆，炸漿唔會太厚！擠D檸檬汁一齊食會更開胃，又唔會太油膩！牛肉稻庭鳥冬 $98★★★★☆鳥冬份量巨多，2個人share先岩岩好
呢到有超多款串燒，雞肉、豬肉、牛肉、羊肉都有，應有盡有。收工過黎食幾串串燒飲番杯都幾寫意！
串燒 $ 25-$78 ★★★★☆
叫左咁多樣野食，最推薦厚切牛舌，咬番軟硬適中幾juicy，一啲都唔韌，食完即刻想ENCORE！自家製免治雞肉棒（日本蛋），啖啖肉有肉汁，雞肉唔會乾同鞋口，點埋隻日本蛋，熱辣辣食正！雞皮燒到好酥脆，咸味剛好，咬落啲油脂爆發，好邪惡！豬腸雖然切得幼少少，但同樣咁香脆，餸酒一流。雞軟骨一向係我最愛，燒完唔會太乾身，有軟骨兼有帶啲肉，香口又有咬口！燒蠔(蔥蒜)，大大隻蠔，冇全熟縮哂水，食落仲有海水個種咸味，好鮮！
鹿兒島黑豚 $188★★★★☆
呢個望落似用左Collar梅頭肉，肉帶啲脂肪，食落去有肉香同油香，越咬越有味道。肉質柔軟，食多幾舊都仲係幾清爽唔油膩！
鵝肝多士 $88★★★★☆
鵝肝熟度剛好，唔會太熟。質地細嫩，口感帶啲粉綿，入口即化！配埋脆多士冇咁油膩，過多嘅油脂塊多士吸埋，啖啖都咁正！
軟殼蟹天婦羅 $68★★★★☆
軟殼蟹有4小件，食落好酥脆，炸漿唔會太厚！擠D檸檬汁一齊食會更開胃，又唔會太油膩！
牛肉稻庭鳥冬 $98★★★★☆
鳥冬份量巨多，2個人share先岩岩好食哂。個湯底就係一般日本店嘅鏗魚、味淋、醬油、海帶，飲落幾清爽同鮮，配埋稻庭幼鳥冬一流！牛肉仲係半生熟，唔太食得生嘅可以浸落湯底變熟，有肉味夠軟稔。
🌟總括：環境寧靜，啱哂同朋友一齊食番幾串串燒飲番杯。食材質素唔錯，即叫即燒！
張貼
