影片
更多
2021-03-05
887 瀏覽
都唔記得咗上次喺鳳城係什麼時間，自從冇咗晚市之後都好耐冇試過同一班朋友去食中菜。而家限聚令放寬到四個，起碼食飯都可以約多啲人，於是就約大家見過面。講真，真係要支持下食肆，生意非常難做星期二嘅夜晚，完全人影都唔見，銅鑼灣中餐嘅晚上，點會咁靜？我未試過去銅鑼灣鳳城呢間分店，聽朋友講原來呢度啱啱裝修左，所以感覺非常舒適，更加出奇點解會唔多人。多人食飯自然就食得多少少。先飲湯，紫砂茶壺蟲草燉雞，淨係個樣已經非常精美，熱辣辣嘅湯非常足料，有火喉，又係自己屋企唔會可以飲的湯種。百花釀蟹鉗，呢個絕對係風城最出色嘅菜式，大大件蟹鉗好好食，雖然有點熱氣，不過，我覺得值得試。蜆芥鯪魚球大粒到震，夠爽口，而且完全係澳門可以食到嗰種感覺。窩貼大明蝦球又係震店之作，點會唔好食。相對蜜味薯仔安格斯牛粒就係正常 ，可能吃慣大排檔嘅鑊氣，感覺相對油左少少。炸子雞，唔使講即炸即食雞皮夠脆，送飯一流。小食點了金磚豆腐和龍袍四季豆，都係可口而又好送酒之作。最後的蓮蓉西米焗布甸，咁經典嘅甜品點可以唔食，一人一個，唔使爭。整體份量夠，價錢平，絕對係名牌嘅水準，絕對應該繼續幫襯。
都唔記得咗上次喺鳳城係什麼時間，自從冇咗晚市之後都好耐冇試過同一班朋友去食中菜。
而家限聚令放寬到四個，起碼食飯都可以約多啲人，於是就約大家見過面。
講真，真係要支持下食肆，生意非常難做星期二嘅夜晚，完全人影都唔見，銅鑼灣中餐嘅晚上，點會咁靜？
我未試過去銅鑼灣鳳城呢間分店，聽朋友講原來呢度啱啱裝修左，所以感覺非常舒適，更加出奇點解會唔多人。
多人食飯自然就食得多少少。先飲湯，紫砂茶壺蟲草燉雞，淨係個樣已經非常精美，熱辣辣嘅湯非常足料，有火喉，又係自己屋企唔會可以飲的湯種。
百花釀蟹鉗，呢個絕對係風城最出色嘅菜式，大大件蟹鉗好好食，雖然有點熱氣，不過，我覺得值得試。
蜆芥鯪魚球大粒到震，夠爽口，而且完全係澳門可以食到嗰種感覺。
窩貼大明蝦球又係震店之作，點會唔好食。
相對蜜味薯仔安格斯牛粒就係正常 ，可能吃慣大排檔嘅鑊氣，感覺相對油左少少。
炸子雞，唔使講即炸即食雞皮夠脆，送飯一流。
小食點了金磚豆腐和龍袍四季豆，都係可口而又好送酒之作。
最後的蓮蓉西米焗布甸，咁經典嘅甜品點可以唔食，一人一個，唔使爭。
整體份量夠，價錢平，絕對係名牌嘅水準，絕對應該繼續幫襯。
張貼
