ZipZip

營業中

休息中

喺timesquare行到攰，就去鵝頸橋附近睇下有咩食，咁啱碌到呢間餐廳，見到個menu都幾得意就決定試下，雖然價錢比較貴，但係食物嘅質素都好高，絕對物超所值。我哋叫咗「黑松露手撕雞」，佢嘅黑松露味好濃好香，程度係仲濃過海港城某間專食松露嘅法國餐廳嘅某啲菜式，鍾意松露嘅一定要試下。除咗松露，雞肉亦都相當出色，好嫩，一啲都唔老。每一啖都可以食到黑松露嘅味道。佢哋嘅手撕雞係無雞皮嘅，所以減緊肥／keep緊fit／純粹唔識雞皮嘅人都可以試下。「以為…食緊…片皮鴨比薩」，鴨味幾香，pizza都真係啱啱出爐，熱辣辣，但係片皮鴨無咩皮就有少少失望，整體上都係好食嘅，熱辣辣嘅pizza真係特別開胃。我最鍾意嘅，係「黃金龍蝦汁魷魚薄片掛晒啲汁意粉」，呢個鹹蛋黃龍蝦汁好特別好香，而且魷魚薄片真係好薄，同意粉一樣咁薄，整體嚟講，呢個都好好食，可以一試。飲品方面，「士多啤梨奶昔」係甜而不膩，無麥當勞咁甜，同埋士多啤梨味重好多。而「我黑芝麻你個牛奶」，就係一杯香濃嘅芝麻latte，熱熱地喝落去，感覺就好似一碗好滑嘅芝麻糊咁。