吉列牛忌廉烏冬專門店 (百樂中心) (已結業)

早前同朋友去咗銅鑼灣百樂中心22樓，來自韓國嘅Kobekyu吉列牛食晚餐。上到去唔洗等就入得座，餐廳裝修以木系為主，坐位偏窄，但都舒適。坐低後就以qr code落單。餐廳主打爐燒吉列牛同忌廉咖喱烏冬，另外都有提供幾款主菜、小食、特飲等，選擇都豐富。🔻吉列牛定食味道：8/10價錢：$148黎到當然要叫佢地嘅主打吉列牛，香脆嘅吉列外層包住半熟嘅牛肉，牛肉肉色呈粉紅，厚度適中。我地可以將吉列牛放係石燒爐到燒大約15秒，食落口感最佳，嫩滑嘅牛肉再滲出油脂，點點wasabi作調味，好食！另外定食套餐附送一碗白飯、麵豉湯同沙律，十分豐富。🔻咖哩忌廉烏冬味道：7/10價錢：$88朋友叫咗個忌廉咖哩烏冬，面頭有激多嘅白色忌廉。忌廉底下就係咖哩烏冬，將兩者攪勻後，味道不錯，唔會太辣，而且烏冬有口感，幾掛汁。另外有蘑菇同雞肉作為配菜。🔻雞軟骨餃子味道：7/10價錢：$48共有4隻餃子，香軟嘅外皮包住雞軟骨嘅餡料，幾好食。🔻韓國柚子蜜(凍）味道：7/10價錢：$28柚子味香濃，而且唔會太甜，係消暑好選擇！🔻綠茶Latte味道：7/10價錢：$45綠茶味道幾香濃，飲落口感幾smooth。