金鶴拉麵 (澳門逸園中心) (已結業)

原來銅鑼灣Sogo 格離的澳門逸園中心原來有好多餐廳，Shopping 完再黎以到搵食岩晒，又近港鐵站。今日我地去左位於7樓的金鶴拉麵。餐廳主打多款拉麵，拉麵湯底款式有很多，有雞白湯、醬油、鹽味、黑蒜醬油，另外亦有飯類、串燒、小食可以選擇。香辣豚骨湯拉麵以到拉麵可以選擇全份或可愛的小份。湯底用上超過十款的香料秘製香辣味噌，再經過8小時烹調的豚骨湯底，多層次的香辣味道。配料有兩塊低溫慢煮雞肉，雞肉慢煮可以保持肉質軟腍，將肉汁完全鎖住。拉麵麵質彈牙，非常掛湯。北海道蟹湯拉麵濃厚花咲蟹湯直接由北海道直送，湯底香濃醇厚，濃得黎又唔會好膩，而且有一大堆蟹絲，每一啖都品嗜到蟹的鮮味。拉麵配上濃郁的湯底，掛湯能力一流，而且麵質沒有鹼水味，叉燒有薄薄兩大片，半隻流心蛋，夠入味。雜錦串盛即點即製，有黑豚肉腸、免治雞肉、五花腩、雞軟骨、豬頸肉、雞腎、雞豚肉、雞中翼。串燒燒得非要出色，每串都燒得非常香口，調味剛剛好，不會燒到過分乾身，口感和味道一流。日式唐揚炸雞有3件，大大件，炸雞新鮮熱辣辣炸起，肉嫩多汁。