影片
更多
2023-09-09
115 瀏覽
原來呢間都係nara餐廳嘅一員 呢晚就約咗喺附近返工嘅友人嚟呢度食晚餐🍴前菜小食呢個餐前小食係一大兜嘅泰式脆蝦片🦐 好耐冇食過呢啲脆蝦片啦 所以食得非常開心🥳 幾欣賞佢排得整整齊齊之餘 每一塊仲非常完整 $18嚟講 我覺得都幾抵食芒果軟殼蟹紙米卷呢度嘅軟殼蟹紙米卷真係好真材實料 入面嘅材料用上咗芒果 軟殼蟹 紅蘿蔔絲 生菜🥬 芒果嘅鮮甜配上香脆嘅軟殼蟹 真係非常合襯泰式豬肉炒河粉份量比預期中大碟😮 炒河粉嘅味道用上咗泰式嘅甜豉油 入面仲有芥蘭同埋豬肉片 豬肉片都幾軟身🐷 同埋有啲花生碎咁樣幾香口 側邊仲有額外嘅調味料 有白砂糖同埋辣椒粉 我就幾鍾意佢嘅辣椒粉 撈埋河粉一齊食就更加惹味啦👍🏻馬莎文咖喱牛腱牛腱炆得好入味 亦都好腍🥰 每一片都有一定嘅厚度 牛味香濃 馬莎文咖喱味道係偏甜嘅咖喱🍛 所以唔食得辣嘅朋友都可以嗌呢份㗎 入面嘅配料仲有薯仔 如果薯仔再入味啲就好喇😙印度薄餅嗌咗咖喱又點少得嗌返份薄餅試吓喎🤭 呢度嘅印度薄餅一份有兩件 仲煎得好香 就咁食已經覺得唔錯 點埋馬莎文咖喱就更加好食呢餐泰國菜都幾唔錯 店員服務都好殷勤😆 放工嚟呢度食埋飯先返屋企都幾好吖
原來呢間都係nara餐廳嘅一員 呢晚就約咗喺附近返工嘅友人嚟呢度食晚餐🍴
前菜小食
呢個餐前小食係一大兜嘅泰式脆蝦片🦐 好耐冇食過呢啲脆蝦片啦 所以食得非常開心🥳 幾欣賞佢排得整整齊齊之餘 每一塊仲非常完整 $18嚟講 我覺得都幾抵食
芒果軟殼蟹紙米卷
呢度嘅軟殼蟹紙米卷真係好真材實料 入面嘅材料用上咗芒果 軟殼蟹 紅蘿蔔絲 生菜🥬 芒果嘅鮮甜配上香脆嘅軟殼蟹 真係非常合襯
泰式豬肉炒河粉
份量比預期中大碟😮 炒河粉嘅味道用上咗泰式嘅甜豉油 入面仲有芥蘭同埋豬肉片 豬肉片都幾軟身🐷 同埋有啲花生碎咁樣幾香口 側邊仲有額外嘅調味料 有白砂糖同埋辣椒粉 我就幾鍾意佢嘅辣椒粉 撈埋河粉一齊食就更加惹味啦👍🏻
馬莎文咖喱牛腱
牛腱炆得好入味 亦都好腍🥰 每一片都有一定嘅厚度 牛味香濃 馬莎文咖喱味道係偏甜嘅咖喱🍛 所以唔食得辣嘅朋友都可以嗌呢份㗎 入面嘅配料仲有薯仔 如果薯仔再入味啲就好喇😙
印度薄餅
嗌咗咖喱又點少得嗌返份薄餅試吓喎🤭 呢度嘅印度薄餅一份有兩件 仲煎得好香 就咁食已經覺得唔錯 點埋馬莎文咖喱就更加好食
呢餐泰國菜都幾唔錯 店員服務都好殷勤😆 放工嚟呢度食埋飯先返屋企都幾好吖
張貼
