南대門

營業中

休息中

金巴利道云云眾多間韓國店，今次就來了南大門，傳統正宗韓國人打理！環境都幾大，而且燒肉時抽煙系統做得唔錯，唔會太大油煙感。豬肉拼盤內有五花肉，護心肉，豬頸肉， 醬醃製薄切五花腩，而且還有個大醬湯，香香辣辣幾足料，有大量翠玉瓜粒，豆腐，蜆肉等，湯濃郁入味又夠熱，好正。醃製薄切五花腩有好多塊，薄薄地好易燒，豬油滲出唔會黐底！2邊燒到香脆就食得，再夾埋生菜，蒜等韓式前菜！超有風味，新鮮生菜係神來之筆，非常清新，中和哂過肥既油膩感，又要食又要食得健康，咁樣先正。五花肉厚切大大片，脂肪位燒完好香，口感油潤！over all都係易燒。護心肉色澤幾光澤，食起黎啖啖肉。雪濃湯牛骨香味夠香！味道温和帶香，內有韓式粉絲，青葱，牛雜肉！味道帶奶香好滋潤，熱辣辣一鍋上，再將熱湯伴飯一齊食，口感和味道更突出。燒肉當然要飲韓啤Hite, 味道自然帶清爽。燒肉加啤酒，無得頂。