Chullschick

營業中

休息中

秘魯係一個神秘嘅國度，秘魯菜更加係從未食過，因此品嚐之前好興奮好期待。但步出餐廳嗰下覺得失望，因為整體嚟講，食物味道普通、價錢略貴；成餐飯入面令我最驚喜嘅居然唔係食物，而係餐廳嘅佈置！餐廳佈置十分有特色，牆身嘅圖畫似係油晝，直接用顏料油上去，畫中所描述嘅環境正正係我最嚮往嘅黃沙大漠！好有中國敦煌嘅既視感！講返食物，燒雞味道正路、無太大驚喜；芝士棒奶香不足，且份量太少；另外仲叫咗個秘魯特色餡餅，食落味道似中式糖糕，唔可以講係難食，但同好食一詞都相距甚遠。總結：呢間餐廳係典型嘅糖衣炮彈，名目係秘魯菜、佈置亦都相當養眼，但係就野食而言，實在係中人之姿；性價比亦低，故不推薦。